近期銀行界與旅遊有關的三大盛事,包括 DBS 的 iGo RewardsCitibank 的 ThankYou Rewards,以及渣打銀行與 Asia Miles 推出聯營亞洲萬里通萬事達卡。但一眾網民對以上 3 個里數新玩法都存有疑問,究竟抵唔抵?等 GOtrip 編輯部同大家分析一下!

情景 1)換短途機票,DBS iGO 暗藏搵笨位?

DBS 推出 iGO Rewards 的原意是「將 DBS$ 當錢用」,上網以積分直接買機票。好處是比起用 DBS$ 轉成飛行里數再換短途機票會更抵,例如換一張台北來回機票平時要15,000里,用 iGO Rewards 換返成本大約只係 11,000 里。而且 iGo Rewards 不止換國泰機票,其也選擇包括飛台北可換長榮、遊泰國可坐泰航,新加坡則可乘新航等。

聽落好似好抵,但其實要本身張機票有特價、兼賣得好平,先可以用一個低過原有里數的成本換到,變相用 iGo Rewards 換都唔會比直接買抵好多。

如果真心以短線機票為目標,應考慮儲英航的 Avios 積分,9,000 里已經換到來回台北,iGo Rewards 特價後計返都要11,000里,所以一開始儲 DBS$ 再用 iGo Rewards 換短途機票完全無著數!

GOtrip ShareLink_DBScover

情景2)長途機票,點換最著數?

長途機而言,就可以睇準 DBS$ ,將其價值最大化,最好梗係轉佢做 Asia Miles 換商務或頭等機票,如果想再抵啲,轉佢做國航 Miles 換國泰 business 或者頭等仲抵!

情景3)用呢張卡嘅積分訂酒店,其實仲數……

編輯一開始用 Citi ThankYou Reward 搜尋機票時,以為係 System Error,張張機票都要用好多分去換,將積分轉做現金回贈再買都無咁貴!正當編輯打算放棄 ThankYou Rewards 時,突然發現佢抵用的地方並非訂機票,而係訂酒店。

citi_thankyoureward

只要你有 Citibank 信用卡,無論係用積分、積分加錢或只用錢換酒店,都可享用 85 折優惠!平時訂國際連鎖酒店用唔到折扣優惠,但此Citibank 85 折優惠連國際連鎖酒店都適用,比其他訂房網站預訂價格抵好多!最神奇係,即使你的信用卡一分積分都無,你仍然可當此 85 折優惠係折扣代碼,最後支付現金即可,所以 Citi ThankYou Rewards 最大用途係以積分換酒店。

情景4)想用最短時間儲 Asia Miles ,邊張卡最幫到手?

唔使問阿貴,渣打新出的 Asia Miles 萬事達卡最抵就係迎新優惠,簽 $7,500 有 17,000 里﹐而且申請要求只係 24 萬年薪,同樣做到 $6/里八達通自動增值,而且首兩月最多可以極速儲 17,000 里,對於未達到東亞 Flyerworld 年薪申請的人非常有用。

另外此卡簽食肆、網上同外幣都有 $4/里,剛好補足東亞 Flyerworld 的不足之處,因為東亞 Flyerworld 所有簽帳都只得 $5/里。如果你同時擁有呢兩張信用卡,互相配合就無敵啦!