三日唔埋兩日就飛一定好嘆?唔好忘記我哋班空中服務員其實做到隻積咁!小妹滿腔戾氣真係好需要宣洩下。對於空姐空少嚟講,麻煩客分 4 級。佢哋都係有不同程度嘅問題而致障礙,可能好多你哋都聽到厭,但真係講極都唔可以令呢班人醒。

(原文刊登於 ED《經濟一周》)

初階 | 低能

做空姐就好似做保母咁,但係同時係幾廿人嘅保母。
上咗半空幾萬呎,好多人都會智商及自理能力向反方向進發。
食嘢食到一地都係、喺機上飲嘢漏口嘅機會率都零舍高、去廁所洗完手張紙巾唔識掉入個垃圾桶等等。

派嘢飲嗰陣,久唔久就會遇到啲以為飛機搬咗成個7-11上嚟嘅客:
「雀檸吖唔該」
「青島吖」
「朱奶」

中階 | 玻璃心

不過低能嘅客人其實唔難應付,
最難搞嘅其實係啲玻璃心死要面嘅客人。
同佢講「沒有」就等於冒犯咗佢祖宗十八代,
呢類人會即刻發難,
唔用腦地鬧人:「冇?點解會冇?你有冇盡過力?%@#︿$*#%*︿(#!$」

冇…… 咪冇囉,真係咁難理解咩?

中高階 | R着數

部分客人聽到我哋嘅回覆後會繼續鬧,
分別在於:一啲會要求你企定定聽佢鬧,而一啲就繼續自言自語。
但無論係邊一款,佢哋嘅共通點都係務求影響到身邊其他嘅客後,
你會為求息事寧人而畀着數佢。

高階 | 損人不利己嘅自私精

不得不說有啲客人真係好清高,
鬧你唔係為着數,
我諗佢哋都唔係好知自己想點,
總之就係唔畀你繼續派餐唔畀你行開,
總之要你企定定聽佢問候公司以至自己嘅祖宗,
總之就係佢得不到滿足嘅話,其他人都要陪佢受罪。
你畀着數佢佢唔要,
仲問你當佢咩人,
我都搞唔清你係咩人,
到底呢啲人諗緊乜?
你想我點啊?

#sorryfor1999

圖片來源:空姐忙甚麼

網民力撐 深感空姐唔易做

此文於 discuss.com 上分享後惹來不少回應。當中不乏網民認同樓主所指的麻煩客及行為令人討厭,指所謂空姐服務質素下降的問題亦應歸咎於乘客本身。亦有人認同樓主出文教育乘客。

香港人都唔幫香港人,
部分香港人真係好煩好難服侍,
畀咗錢就當自己大爺咁,
又話人飛雞又話人侍應,人哋打份工啫!

空姐空少等同侍應 「唔鍾意唔好做」

不過亦有網民直言空姐空少與侍應一樣,同是服務業,一樣會遇到類似問題,不必出「月經post」呻吟。不少網民反指空姐空少服務質素差,遇到不少黑面的空姐,亦有不愉快的乘機經驗。

喺餐廳做侍應咪又係咁,
講到做空姐好似好委屈咁,咪撚做囉!

乘客空姐應互相尊重 不應以偏概全

有網民便理性分析麻煩客的成因,並指乘客應對空姐有基本尊重。他更反駁其他人的回應,認同服務質素有下降,是公司資源分配問題,不應受到乘客的不尊重。

他們覺得乘坐飛機外遊是一種了不起的事,既然花了錢,每件事物都要是最好的。在虛榮心膨脹之下,稍碰到不如意的事就露出沒敎養一樣的面目。其次原因是外遊時心情放鬆了,就連道德操守亦揮之而去。

國泰近年不停為了降低成本而忽略了很多服務以及空少空姐的待遇,這令他們的服務態度有點下降亦是事實,但也絕不值得被乘客無理取鬧和侮辱。