《東張》隨香港首團日本團出發 常被訪問男團友原來是金融才俊
6月22日香港第一團日本旅行團如期出發，至今已回港第三日，當時不論是香港媒體或日本傳媒都視為大事件！網民更認為只有「唔使做嘅人」才可在7天隔離要求選擇去旅行，不過事實並非如此！《東張》拍攝隊伍直擊旅行團期間，有一名後生仔Larry老是常出現接受訪問，更在機場早透露自己兌換了40萬日元（現約港幣$23,000）準備豪花一次，如此闊佬原來因為Larry是從事10年以上的金融才俊，本身是崇日迷，最高峰可以1年去16次日本！
從事金融業由外國人管理 隔離時間當WFH
很多人質疑要上班的人現時根本沒有可能去旅行，現時30多歲的Larry則指全團只有他和另一名女生是年輕團友，自己報名參加全港首團日本團出發可說是「咩都唔理」。「我今次都係出發前1-2星期先決定去旅行，因為呢兩年真係儲咗好多假，公司又無逼清假，所以一知有得出發就咩都唔理即刻去，加上旅行筆錢都儲落唔少，係時候要使吓。」以Larry帶的現金加旅行團費，這次去一趟日本都足足花了接近5萬元港幣。不過他指慶幸公司較多外國人，思想較開放，因此可以「話走就走」，回港隔離時則WFH，所以能夠出發旅行。
豪花40萬日元：以前我1年去16次日本
闊別日本2年，Larry指自己一早兌了40萬日元準備豪花。「太耐無去日本，以前最高峰嘅時候1年去足16次，拎盡晒公司假期之後我主要去短Trip，星期5收工搭凌晨機去，星期日凌晨機返，每次兌2-3萬日元去用因為買唔到都可以隔一星期再去再買，而今次係帶咗20倍彈藥。」Larry指，今次日本旅行團花得最多錢在食及手信方面，雖然旅行團有包團餐，但自由時間時也會趁機回味當地小食。手信方面，除了Outlet On Sale而血拼衣服外，杯麵亦大手掃入，「今次去日本專搵香港買唔到嘅嘢，杯麵出咗好多新味香港無得買，所以都買咗10幾個返嚟。」
第一次體驗被媒體追訪 登上日本電視台
除了拾回第一次踏足日本的感覺，Larry指最大感受都是被追訪，而且日本當地的小店都會送禮物給遊客，特別感受到他們對旅客的期盼，「好似等咗你好耐，終於見到你咁。」由於香港首團出發的日本團受到廣泛媒體關注，日本當地傳媒每日都有攝製隊直擊動向，買衫、行街、食飯均一一被追訪。本身考獲N2日文程度的Larry指，簡單對答還可應付，亦感受到當地人歡迎旅客到訪。
作為金融界有經驗的人，Larry指平時對外說話比較多，所以面對香港或日本的訪問都不太緊張，反而是日本人的熱情招待令他受寵若驚。「幾乎去Outlet或者餐廳都有額外待遇，佢哋會送好多禮物畀我哋，例如食壽喜燒放題，店家突然送多盤日本和牛畀我哋每一枱，上機又會有東京奧運紀念品送畀我哋，聽聞當時係有錢都買唔到。」
