情侶旅行一向是男女關係的試金石,日前有港女在討論區發文,計劃與男友AA制旅行,但講到錢就「真係好煩」。她表示與男友分別墊支了機票和酒店費用,「最後都會AA計番數」,不過男友阿媽知道後竟然提醒兒子小心「唔好比人呃」!令港女未出發先傷心。

情侶AA制旅遊 男友阿媽怕蝕底

有港女近日在香港討論區發文表示,計劃於男友旅行,整個過程非常順利,她買了機票,酒店就由男友負責,大家都同意所有費用之後都會AA制分擔。怎料男友阿媽知道兒子支付酒店費用後就開始多多意見,「好似驚我唔畀番佢個仔咁」。

港女與男友傾電話討論行程時,男友阿媽更刻意講說話給她聽,「到時去果陣,要計清楚啲食玩買嘅錢,唔好比人呃呀」。港女在文中表示,「作為女仔,點都係我驚啲啦!」,她又覺得因為錢銀斤斤計較,令原本開心的旅行都變成傷心。

網友:最好快啲分手

不少網友質疑男友阿媽,「女仔同男仔去旅行,居然驚男仔蝕抵,女仔個阿媽都未驚個女蝕抵(底)」。大家亦擔心港女與男友未來的生活,「預(遇)著呢種家婆,第時有機會結婚預左有排受」、「最好快啲分手,未來更加辛苦」、「日後婆媳關係一定惡劣」。亦有網友疑問男友有沒有幫港女解釋,「如果你男友完全冇幫你講嘢,咁就完了」。

網友紛紛表示什麼事都要左計右計,玩也玩得不開心,而且旅行在外也很難每件事都計清楚,認為男友阿媽太過分。

情侶 男友阿媽提醒兒子不要蝕底。
男友阿媽提醒兒子不要蝕底。(圖片來源:嚦咕嚦咕新年財劇照)

情侶 應該開心的旅行卻因錢銀問題而不快。
應該開心的旅行卻因錢銀問題而不快。(圖片來源:Unsplash@cblack09)

圖片來源:Unsplash、網站截圖