西班牙 Barcelo Sants 酒店
西班牙 Barcelo Sants 酒店,R2D2 幫你 Check-in!

資料來源:Trivago

宣傳咗大半年有多,新一齣《星球大戰》終於都上畫,睇完戲都唔夠喉,不如就出發去搜找全球最有太空 Feel 嘅酒店,住返夠本感受原力,May the force be with room!

1)西班牙 – 野生捕獲 R2D2 Bell Boy

作為太空主題酒店,圓型太空艙窗戶、巨型太空人畫像、球形 designer chair 呢啲自然唔少得。西班牙巴塞隆拿市中心的 Barceló Sants 除咗有齊以上所講嘅「太空裝置」之外,更「重金禮聘」R2D2 機械人嚟酒店做接待員。R2D2 喺酒店度周圍走,絕對歡迎住客捕獲,不少住過酒店的網民紛紛上載同 R2D2「偶遇」嘅合照同 Video,真係興奮到 We 嘩鬼叫㗎!

Barceló Sants 詳情

西班牙 Barcelo Sants
酒店以黑、白、紅 3 隻色調為主,大堂有一大幅2010太空漫遊電影馬賽克圖畫點題!

西班牙 Barcelo Sants
酒店不但有型,位置仲非常 Good,鄰近 Barcelona Congress Palace、Trade Fair Centre,商務旅客都好方便!

2)瑞典 – 離地 6 米 UFO 樹屋睇河景

瑞典嘅 Treehotel 位於僻靜嘅 Harad’s Pine 森林中,只有 6 間獨立樹屋客房,全部依照 UFO 造型,懸掛於離地 6 米高嘅松樹上,可以睇到 Lule River 靚景,好有外星人綁架 Feel!房內設備都媲美太空船咁先進,當中廁所更有裝置會以 600 度高溫將排泄物燒成灰燼,堪稱新奇體驗。

Treehotel 詳情

3)瑞士 – 實感體驗!見真太空人+模擬飛行

瑞士蘇黎世 Kameha Grand 酒店,內有由德國設計師兼準太空人 Michael Najjar 親自設計嘅太空套房,地氈係以哈勃太空望遠鏡影嘅星際相片、房燈就係彷火箭發射器射燈,仲有太空人手套做裝飾,極具實感!成個太空套房完美體驗一晚要 $15,360 起,價錢雖然唔嘢少,但有得住勁 Cyber 嘅套房之外,仲可以同真太空人 Michael Najjar 見面參觀 Studio,再玩埋 1 小時 A320 飛行體驗,真正的太空迷應該會覺得物有所值嘅!

Kameha Grand Zurich 詳情

瑞士蘇黎世 Kameha Grand 酒店
瑞士蘇黎世 Kameha Grand 酒店太空套房,睡房佈置簡約。

瑞士蘇黎世 Kameha Grand 酒店
瑞士蘇黎世 Kameha Grand 酒店,太空套房客廳佈置,猶如漫步月球一樣!

4)新加坡 – 「小兒科」火箭睡床

相對上面幾間太空主題酒店,新加坡精品酒店 Wanderlust Singapore 的太空主題房就顯得較為「小兒科」,不過就展現出童心未泯的一面,帶埋小朋友一齊住都得、感覺唔會太過冷冰冰!酒店住於小印度區,樓高 4 層每房各有不同主題,位於頂樓嘅太空主題客房,以全黑嘅牆身同天花造成星空效果,牆上有一架紅色嘅 Q 版火箭做裝飾,爬過火箭嘅樓梯就可以到閣樓的睡床,機關重重小朋友一定最 like!

Wanderlust Singapore 詳倩

Wanderlust Singapore 酒店
Wanderlust Singapore 酒店

Wanderlust Singapore 酒店
爬上樓梯就見到睡床,星空包圍下瞓覺,特別有 Feel!

5)中國 – 大陸都有?升級版太空艙酒店

強國都有太空主題酒店,近近哋都可以去深圳寶安區嘅鵬恒太空艙酒店體驗吓!太空艙酒店其實都唔係新鮮事,日本一早就好流行,不過呢間鵬恒酒店就係升級版,每個艙外型似十足巨型焗爐,碌架床上裝有紫色 LED 燈更有 Cyber 味!每格床位都有齊 WiFi、平面電視,算係麻雀雖小五藏俱全,仲有機械人待應捧餐,都幾多花臣㗎!

鵬恒太空艙酒店 詳情

鵬恒太空艙酒店

鵬恒太空艙酒店
嘩!西班牙有真·R2D2,深圳都有山寨版呀,仲有做 Waiter 捧餐添㗎!