不少遊客入到機場都會到免稅店買到最後一刻，所以登機時都會「一抽二掕」，塞爆機上行李架，於是HK Express嚴捉手提行李超重。但近日有港男斥HK Express職員連「小廢包」都當一件行李，鬧爆：「真係好過份」、「一班飛機包括我在內最少捉咗9組人！我對這間公司有點失望」，不過網民反而力讚HK Express職員「做到嘢」指：「我對這間公司有點希望」、「職員無做錯喎」、「唔捉你嘅話我對呢間公司仲失望」等。

港男斥HK Express連小廢包當1件行李　網民讚UO做到嘢!

早前Facebook群組「HK Express 香港快運及旅行資訊關注組」中，有港男當日連同一個細篋、一個背囊及一個細袋登機，而HK Express職員指他身上的細袋要放進背囊才可以登機，直言：「真係好過份」。

hk express 港男當日他連同一個細篋、一個背囊及一個細袋登機
港男當日他連同一個細篋、一個背囊及一個細袋登機（圖片來源：HK Express 香港快運及旅行資訊關注組）

hk express 一班飛機最少捉咗9組人
一班飛機最少捉咗9組人（圖片來源：HK Express 香港快運及旅行資訊關注組）

港男：去到機場唔使去免稅店買手信啦

港男稱自己全合格上機，但最後都被捉細袋，要放進背囊才可以登機，又指：「不要想在機場內免稅店買任何東西，你買咗一條煙或手信都當一件行李」。

網民力讚HK Express：我對呢間公司有希望！

網民反斥事主：「支持UO嚴正執法」、「你都識講，有個背囊呀嘛」、「你加數都唔識，咁真係坐返 J class啦」、「講得啱，咁你下次坐返傳統航空」、「你有個細行李+一個背囊+一個細袋， 你覺得超唔超呢」、「你個袋大過你個頭喎」、「將個細袋放入背囊度好難咩」、「無捉佢哋過磅，好似差咁啲」等。

HK Express最多可携帶兩件物品登機

早前HK Express（香港快運）航空公司新設「閘口寄艙行李費用」， 手提行李及隨身物品超出尺寸／數量／重量限制亦視為閘口行李， 需要安排寄艙。而旅客最多可携帶兩件物品登機，超過數量一定要寄艙。

圖片來源：HK Express 香港快運及旅行資訊關注組資料或影片來源：HK Express 香港快運及旅行資訊關注組