BB嬰兒坐飛機機艙大哭　港媽搲免費upgrade「怕騷擾人」　網民：貨艙有你份

BB嬰兒坐飛機機艙大哭　港媽欲免費upgrade到商務機位

日前有媽媽級網民於Facebook群組「小心親子遊(討論父母與子女旅遊態度)」中發文詢問，若帶BB搭飛機時，BB不受控制地大哭大鬧，「喊到收唔到聲」，面對這種情況，空姐是否會將一家人連BB upgrade到商務艙機位，令一家不會騷擾到更多的乘客。

網民：發夠夢未？想upgrade俾錢啦！

事主帖文一出，就被眾多網民cap圖並轉載到各大群組與討論區。不少網民都恥笑事主「發春秋大夢」，「想免費upgrade想到傻咗」，並直言：

【商務艙會投訴得更嚴重】「搭商務艙個堆俾多啲錢就係想坐得舒服啲，有個喊到收唔到聲嘅BB喺到阻住晒仲唔投訴到你人都癲？」

【俾錢啦】「俾錢upgrade梗係得，想免費？趕你落機就有！」

【喊9個鐘都無用】「見過有印度BB喊足九個鐘，無人upgrade過！」

【BB去商務艙就唔會喊？】「當然唔會，難道bb去到商務就唔會喊？人地咁貴買張商務機票，冇理由因為BB喊而調去商務。」

【氹BB最佳方法】「你不如話會開機艙門畀BB玩瀡滑梯！」

【最嘈嗰個都熄唔到】「飛機個engine夠嘈到乜啦，點解唔可以熄咗佢？」

網民「出謀劃策」　製造免費「upgrade」機會

因為事主想免費upgrade機位的想法實在太明顯，大批網民都為她「出謀劃策」， 如何免費「upgrade機位」：

【免費upgrade到最特別的坐位】「會upgrade去cargo class（貨艙）！」

【頭等都有你份】「空姐會幫你upgrade去頭等呀！機頂個到景又靚又靜，啱晒你哋一家！」

【隔音最好的位置留給你】「廁所鎖埋門應該可以隔音！」

【Downgrade就有你份】「如果本來坐business，怕影響貴客，downgrade去經濟就有可能。」

【有得upgrade，不過對象不是你】「會upgrade你附近嘅人去business。」

倫敦人妻先生手記：有得upgrade我喊得仲大聲！

另外亦有網民指出小朋友十分無辜，「我真係覺得個BB好可憐，個媽媽為咗Business專登整喊個BB」、「細思極恐，如果真係可以（或者有機會可以）佢係咪真係會故意搞喊個B⋯」。不過KOL「倫敦人妻先生手記」就笑言：「如果有得upgrade，你信唔信我喊得大聲過你個B？」

網民建議港媽多作準備

除此之外，有網民亦建議港媽可多作準備，以免小朋友因為氣壓與對環境的不熟悉導致小朋友大哭不止：

其實不如research吓多啲預備下點先可以令BB減少喊。我好彩以前兩個仔BB上飛機算好乖，12個鐘無乜喊，試過有同機媽媽問我點解BB無乜喊。你首先要了解下自己個B嘅性格喜好去做預備，另外亦要諗辦法令佢係起飛同降落時的氣壓變化令耳仔不適減低。