《出走澳洲》是黃翠如、洪永城擔任主持的全新旅遊節目,由2019年10月7日開始首播,這對旅遊好拍檔將會重遊舊地,再次重回他們10年前拍攝《活得很滋味》的澳洲地方。節目預告充滿《重慶森林》色彩,盡顯黃翠如和洪永城的搞笑氣氛。

《出走澳洲》全新預告

有一種關係叫洪永城和黃翠如

credit:guruhung@ig
他們一齊做的旅遊節目一向都好受歡迎,10年之前,他們因為《活得很滋味》去過很多地方,而今次的《出走澳洲》,是源於他們的約定,他們再次到訪澳洲不同的地方!這次他們會挑戰不同新事物,比如人體過樹車、餵鯊魚等等。

黃翠如洪永城 懷緬一起飛的日子

洪永城日前在facebook貼咗1條當年佢同翠如BB去南非做嘅旅遊節目,片中翠如BB仲迫Tony食新鮮馬屎!睇完呢條舊片,翠如在facebook 有感而發,懷緬同呢位「好兄弟」好拍檔一齊做旅遊節目嘅日子。翠如話:「聽說女生在這行業時間很短,我被淘汰的一天或許是你更發光發亮的一天,加油。旅遊是我們的世界,請不要放棄旅遊,除非旅遊放棄我們。」唔知係咪因為《我瞞結婚了》批評太負面,令翠如有感而發,仲話自己會被淘汰,不過粉絲都回應好想再睇 黃翠如洪永城 主持旅遊節目!希望大台肯放人啦~

第1次合作 翠如迫Tony食馬屎!

回帶睇番呢集塔斯曼尼亞片段,原來係 黃翠如洪永城 首次合作。當年2人同在有線,Tony係旅遊節目《活得很滋味》元老級開荒主持,翠如後期則由娛樂新聞台空降做旅遊節目,翠如BB仲當Tony係前輩,大讚佢做主持好放,第1次2人一齊飛的目的地,就係呢集嘅塔斯曼尼亞!
翠如迫Tony即場食馬屎,Tony手執1塊,結果梗係冇食啦!
第1次合作旅遊節目去塔斯曼尼亞,Tony叫翠如瞓在羊群中俾佢拉出來剃羊毛, 翠如竟然冇反抗照做,Tony一直記到現在。

Tony過檔now 過冷河做幕後

Tony離開有線後曾經轉行做公關,不過最後心癢癢做番旅遊節目,在now過冷河期間曾兼做幕後,負責過《一個地球》頭炮南極之旅。
《一個地球》第1輯搵咗任賢齊去南極,Tony當時仲過緊冷河,但喺節目負責做幕後。

翠如BB 單飛最受歡迎之作

同樣曾短暫過檔now的翠如,11年重返有線即計劃了《地平線上這個世界那些人》節目,主持得更放,在土耳其泥漿浴的照片更在高登廣泛流傳。
翠如罕有三點式上鏡,呢次喺土耳其試泥漿浴的確係瞓身演出!

過檔無綫 浮華大地第3度合作

雖然出身有線,一齊去過now,但翠如Tony一齊飛一齊主持的節目並唔多,去到TVB,2人在《走過浮華大地》兩輯節目終於再度合作。
去英國玩盡Punk造型。
《走過浮華大地》共分2輯,2人去完歐遊再豪玩亞洲,正式在大台走入屋。

最近1次 已是3年前走過的足球大

對上1輯《走過XX大地》系列已經係3年前世界盃前,去過南美巴西、烏拉圭、西班牙、曼城、米蘭等多個足球城市,一邊睇波一邊吃喝玩樂,大家都好掛住你哋呀!
在西班牙當然要介紹火腿啦!
翠如本身唔睇波,但為咗節目都很投入去感受球迷氣氛。