人在外地,大家有沒有試過裝作不懂中文,甚至見到一堆香港人,會馬上避走?香港人失禮事件時有發生,怕執輸、大聲說話可以說是最常見失禮事件,更有網民更指日本溫泉是出事熱點!以下6件港人在外失禮尷尬經歷,大家又有沒有遇過,甚至做過?

01 | 執輸行頭慘過敗家

「你去第二條隊排,邊個先就過嚟!」

過關的時候,永遠顯出香港人「醒目仔」的性格,派幾個人去不同的隊排隊,然後湧過去快僅僅一個位的那條隊,救命!其實不過快一、兩分鐘,行李都未出來,急甚麼呢?不單止在海關,要排隊的餐廳,永遠見到香港人嘴藐藐,不是想插隊,只是好心急丶好緊張地肯定沒有人插隊,而且不停討論。

香港人 執輸行頭慘過敗家。
執輸行頭慘過敗家。(圖片來源:《家政夫三田園》劇照)

香港人 「仲要排幾耐?有冇搞錯?有冇咁好食啊?前面嗰個人好似想插隊!」唔想排隊冇人迫你,不要迫我聽你們x噏。
「仲要排幾耐?有冇搞錯?有冇咁好食啊?前面嗰個人好似想插隊!」唔想排隊冇人迫你,不要迫我聽你們x噏。(圖片來源:GOtrip編輯部)

02 | 永遠唔識收聲

講開討論,香港人真是永遠不懂得收聲,看電影一定要討論,以為自己細細聲別人聽不到,去到外國,一樣講講講。在博物館、在寺廟、在公園,任何寧靜的環境都會聽到廣東話,一樣以為自己細細聲別人聽不到。其實看風景,有必要討論嗎?靜靜地行不行嗎?沒有人想聽你說昨晚吃了和牛和鱈場蟹,其實一田都有得賣,並不是咁巴閉。

有朋友就試過在日本搭巴士的時候,香港一家四口上車,開車後才發現搭錯車,接著大聲吵鬧:「咁急走上車做咩啫!都話唔係呢架車啦!」鬧足全程,以日本人安靜的性格,其實真是非常難為他們要聽廣東話鬧交。其實在外國最好還是低調一點,一個唔該,別人拍片上網,又說影響香港聲譽,失禮大家,那就不好啦!

香港人 永遠唔識收聲。
永遠唔識收聲。(圖片來源:電影《原諒他77次》)

03 | 浸溫泉一定出事

其實以香港人去日本的多年經驗,浸溫泉,應該不是一個難題,但還是經常出事。前陣子有網民就在男女混浴溫泉,見到三男一女香港人,在角落大聲喧譁,還拿出相機拍下女方裸照,網民馬上感到羞愧離開。如此極端例子,我並未遇過,但是香港人在溫泉區的扭扭擰擰,我倒是看不少。

其實明知日本人要剝清光才浸溫泉,為甚麼這麼怕又要浸呢?如果和朋友在一起,感到不好意思,分開前後浸又是否可行呢?拿著毛巾遮住重要部位才下水,我覺得都可以接受,但是包著毛巾或者著泳衣下水,實在不行。而我覺得最煩是他們事前事後的討論,「嘩,頭先個日本婆真係剝光豬浸㗎!」「喂,你係咪真係會除㗎?」聽到都覺得好小學雞。

香港人 溫泉可以話係出事嘅熱點。
溫泉可以話係出事嘅熱點。(圖片來源:GOtrip編輯部)

04 | 勁心急勁緊張

在歐洲,無論是大城小鎮,通常人們都比較慢,或者他們不懂得變通,有時候買張電話卡都好煩,這些我也經歷過。但是在別人的地方,鬧人家又慢又蠢,確是無補於事。

香港人 有時候聽到用廣東話鬧人,都覺得咪以為別人聽不懂,一個唔該,嗰位職員擰轉頭鬧你八婆,那又何必呢!
有時候聽到用廣東話鬧人,都覺得咪以為別人聽不懂,一個唔該,嗰位職員擰轉頭鬧你八婆,那又何必呢!(圖片來源:GOtrip編輯部)

05 | 性本惡驚死被人佔便宜

講開歐洲,無論大城市定城鄉,歐洲人普遍都算有禮貌,幫手開門閂門;酒店入面,跟陌生人說聲早晨,多謝前唔該後,這些都是十分基本!但是遇著香港人,通常都得不到回應。你開門咩,他馬上「攝」出去,全程不用親手接觸門柄;你跟他說早晨,他一個眼神矋過來,「博咩啊你?」歐洲人馬上不知所措。

而如果去到南歐,人們更加熱情,生果佬會請你食水果,麻甩佬會叫你做Bella(意大利文美女),有些香港人馬上會覺得:「嘩!乜啲歐洲人咁鹹濕!」其實人家的文化是這樣熱情,沒有城市人的戒心,當然我不是叫你蠢到有危險的時候也不懂得躲避,但他們只是出口術,又有甚麼好驚呢?請你食生果有著數都唔滿意?你去街市買餸,人哋都叫你靚女啦!難道他們又想佔你便宜?難道成個街市都咁鹹濕?

香港人 熱情不等於想佔便宜。
熱情不等於想佔便宜。(圖片來源:GOtrip編輯部)

06 | 唔識講唔該

我覺得多謝、唔該、你好嗎,差不多都在廣東話的字典消失了。但人在外地,最好還是將這些掛在嘴邊,一定有運行。去旅行,放下在香港緊張的一面吧!不用迫車、不用上班,還愁甚麼呢?放鬆啲啦香港人。

香港人 「唔該」掛嘴邊,一定有運行。
「唔該」掛嘴邊,一定有運行。(圖片來源:GOtrip編輯部)

網友分享:講嘢大聲失禮死人

網上也有不少港人分享外地旅遊時遇到的港人失禮事件,很多人都贊同說話大聲非常常見:「講嘢大聲真係失禮死人,見唔少」、「日本溫泉聽到香港人大大聲聲講大陸溫泉,羞家!」、「去到山旮旯都聽到大大聲講廣東話」。亦有網民分享經常見到香港人將投訴文化帶到其他國家,以及不停攞著數。

圖片來源:GOtrip編輯部