港男點3宗罪證韓國旅行超中伏
日前有網民以「有冇人覺得韓國好L悶？」的標題於討論區發文，指自己現在正與老婆在韓國旅行，整趟旅程長達11日，但到第4日已經大呻韓國好悶，「東/南市場去晒，梨花大學去埋，完全冇想像中咁好玩！」，「老婆都話唔鍾意韓國」，文中更點出韓國3宗罪，力證到韓國旅行悶到爆炸，勸各位網民千萬不要中伏！
1. 韓國樓宇十分陳舊
韓國在近幾十年經過經濟發展，首都首爾的市容已作出不少改變，人氣旅行景點及周邊都整修得較為光鮮亮麗。不過事主卻直言只要離開了主要街道，陳舊破敗的舊樓就會出現在眼前，他更恥笑首爾老街區「周圍都好似貧民窟咁」，「嗰啲乜L嘢市場商業圈，連台灣都比唔上」！
2. 食物極劣極難食仲好貴
近年韓流席捲全球，連帶韓國食物都為人熟知，不少人都會透過韓國綜藝節目見到主持人與嘉賓大口大口地吃著韓國美食，以為也會符合自己的胃口。不過就有網民力批到：「見韓綜啲人食嘢好似好好食，點知難食到嘔，尤其是炸醬麵！」、「黑色一pat嘢，見到都無胃口，又貴又一般」、「發覺啲嘢好L難食同得個辣字」，事主就隨即附和到：「啲食物好澀，有醬但係好乾！」
3. 韓國人極無禮又唔衛生
在香港街上，如果不小心撞到途人大家都是習慣道歉，不過韓國就並非如此。事主就提到「發現韓國人都幾冇禮貌撞到人唔會講sorry，發現你唔係韓國人唔會理你，體驗真心差，直頭諗緊要唔要直接買機票去日本算」。同時更有網民表示「去韓國無俾人撞過唔好話去過韓國」，獲得大量「正皮」！同時也有人提到韓國醉酒佬太多，「你唔會expect醉既人有禮貌得去邊，同埋極排外，你唔識韓文嘅話，冇乜尊重可言」。
同時亦有人提到韓國人的衛生意識欠佳，「周地結冰痰」，令人不忍直視！
網民極同意：價錢差唔多做咩唔去日本？
事主的文章不足一日就引來大批網民熱議，更成功收獲過千讚好！網民紛紛指出事主完全錯估韓國的魅力，去11日完全多餘：「如果完全冇去過韓國，玩一個星期OK嘅，當去下明洞、東/南大門、首爾塔、梨大、景福宮呢類景點，去完就算」、「韓國最大問題係佢好多值得去嘅地方都好遠同好分散」、「首爾都叫做可一不可再，釜山千其咪L去，廿年前深圳咁款」。
唔識欣賞。
我住過韓國好多年，要睇海行山香港大把，韓國海山同香港差唔多樣，海又唔係西方咁水清沙幼，睇個海近近地來回都要至少三個鐘，但又唔靚去嚟做咩？
好似江陵咁，附近乜春都冇，直頭似被荒廢死城咁，玩咩？哂幾個鐘頭過去，由朝到黑望住個海？？
不過亦有反駁到「話韓國悶只係你唔識玩」，更提出有用的韓國旅行tip豐富行程。
根本去韓國就唔應該淨係去首爾，東京夠悶啦，所以一定會去埋河口湖、箱根嗰啲。
次次啲人淨係識去首爾 ，跟住就話韓國好悶，明明濟洲島、束草、江陵、東海啲風景勁靚，
根本一定玩唔曬！
唉樓主，俾多個建議你啦，江原道嫌遠嘅話去下仁川囉！月尾島幾多嘢玩，又可以搭船出海餵下海鷗。再唔係去埋水原囉，有得坐熱氣球，附近又有啲古宮睇吓，距離首爾都係一個鐘啫，搭地鐵就去到。
