韓國除咗可以去Cafe或者便利店食好嘢,仲有唔少嘅街頭小食可以揀!有炒年糕、魚糕、芝士燒龍蝦、燒扇貝、蜂蜜雪糕等,好食程度絕對可以媲美餐廳。以下呢11款韓國街頭小食,大家千祈唔好錯過啦!
編輯:KM|撰文:Cynthia、姐  |  圖片來源:新傳媒資料室、網上圖片

11大韓國街頭小食

01|芝士燒龍蝦

店主將原隻龍蝦冰鎮喺檔口,一收到order就即場燒,再加大量芝士,望住芝士受熱慢慢溶化,愈等愈覺得好肚餓!原隻龍蝦可以輕易起肉,食落好新鮮,肉質超扎實,街頭小食都可以勁豪華,邊行邊食都會感受到大家羨慕的目光!

02|五味燒

明洞有一家好出名嘅小食店「오미야끼」,售賣各種鹹味嘅車輪餅,裡面有隻熟蛋,另外仲有不同嘅餡料供選擇,有章魚、蝦、煙肉等,非常足料!之後再加入超多沙律醬及柴魚片,好多女仔都一人攞住一份食,分量細細但餡料超多,食完都唔會太飽。

03|鯽魚蜂蜜雪糕

明洞大熱嘅鯽魚蜂蜜雪糕造型超可愛,現場放咗一板板嘅蜂巢,鯽魚狀嘅麵包擘大口塞入一大球雪糕,再倒入甜甜嘅蜂蜜,設計可愛之餘仲非常消暑,好適合鍾意食甜品嘅人!

04|雞蛋麵包

雞蛋麵包係韓國好出名嘅街頭小食,老闆會先喺模具內放入麵包,再打入生雞蛋,等雞蛋慢慢變得半熟,就會放喺爐上保溫。一攞上手,依然係熱辣辣嘅,蛋白表面烘得微焦,而蛋黃保持半熟狀態,嫩滑嘅雞蛋搭上軟熟嘅麵包,超受韓國人歡迎!
雞蛋麵包嘅款式有好多,其中一款係喺雞蛋上灑上芝麻杏仁粒,增加口感。

05|牛油芝士燒扇貝

師傅會即場開扇貝、拆肉、切成一粒粒,貝殼睇落仲大過塊面,好震撼!店主放滿大量牛油及芝士,再用火槍噴火燒熟,好似現場表演火燄秀咁,每次都引來超多人圍觀。扇貝爽口彈牙,同牛油、芝士好夾,唔會太滯。

06|烤芝士年糕

年糕係韓國人嘅國民美食,除咗辣炒年糕,仲有烤芝士年糕,好啱唔食辣嘅人。芝士及年糕相間地串埋一齊,芝士燒到淡淡焦香,口感十分煙韌,店主會再加入煉奶,好似食緊甜品咁。除咗遊客大愛外,同樣好受韓國人歡迎!

07|椰菜雞蛋卷

韓版大阪燒!薄薄的麵漿上加了大量的椰菜,以及大大片的豬肉,檔主俐落地翻面、捲好,最後還會在大阪燒上加一顆半生熟的雞蛋,單看製作過程已經令人流口水,每次去食,現場都有好多人拿著手機拍片!為了方便食用,檔主更會細心切開,十分貼心。

08|吉士醬蛋糕

吉士醬蛋糕也是和花生蛋糕相同,蛋糕餡料是滿滿的吉士醬!喜歡吉士醬的人是不能錯過。

09|年糕炸雞杯

想過下口癮食年糕同炸雞?這個小食非常適合你,因為小小的一杯可以滿足你兩個願望!香脆的甜辣炸雞配上煙韌的年糕,口感令人驚喜,完全解決過下口癮的一刻。

10|烤雞肉串

烤雞肉是一年四季都很受歡迎。雞肉辣中帶甜,與大蔥串在一起烤,特別入味。另外,有些加上特色辣醬,更加惹味。

11|薯條熱狗

薯條熱狗是一款比較飽肚的小食,因為熱狗外包上一層層薯塊、薯條,再油炸。加上厚厚的番茄醬,會更加香口!也有一款是沒有薯塊、薯條,只有熱狗去油炸。

相關文章