去旅行住酒店當然要精挑細選,住酒店方便性與舒適度的而且確十分重要,但最重要的當然是安全與衛生!看似乾淨的酒店,其實都有很多衛生黑點!杜遊珍為大家盤點酒店衛生黑點,再訪問酒店從業員朋友C,佢話:「住客自身都唔好得去邊!」

7大酒店衛生黑點

早前有外國網站流傳,酒店有住客喺被單下發現字條,寫著:「If you’re reading this, then housekeeping did not change your sheets!」係上一手住客留下墨寶溫馨提示,引證執房員冇換床單,惹來網民依嘩鬼叫。但是看似乾淨的酒店,其實都有很多衛生黑點。杜遊珍依家為大家盤點7大酒店衛生黑點!

酒店衛生黑點1.毛巾、杯具

阿珍去親旅行,電話、浴簾、衣架通通少掂,但係毛巾、杯具同浴缸有時真係避無可避!

酒店衛生黑點 過來人喺討論區爆料,執房時間緊迫,阿姐有時會偷雞用同一條毛巾抹地、洗面盆、馬桶一抺到底⋯⋯
過來人喺討論區爆料,執房時間緊迫,阿姐有時會偷雞用同一條毛巾抹地、洗面盆、馬桶一抺到底⋯⋯(圖片來源:Unsplash@Jon Tyson)

上年有線新聞傳載杭州電視台記者偷裝閉路電視,揭發當地JW萬豪酒店用同一塊百潔布抹勻全廁所⋯⋯

酒店衛生黑點2.浴缸

見浴缸冇水跡就詐諦洗咗,積積埋埋唔知隔落幾多手冇洗,你仲敢響入面鴛鴦戲水?!

酒店衛生黑點 況且清潔次序冇嚴格規管,通完廁所緊接戴住膠手套捽杯具大有人在。
況且清潔次序冇嚴格規管,通完廁所緊接戴住膠手套捽杯具大有人在。(圖片來源:Unsplash@Jared Rice)

所以話,床單冇換算係濕濕碎,飲用水杯或者啷口盅先係最嘔心。

不過除咗「眼不見為乾淨」都冇咩應對辦法,惟有盡量自備毛巾,杯具先用滾水燙下,但浴缸就始終係勿近為妙!

酒店衛生黑點3.床單、枕頭套、被褥:偷懶還原當更換!

床單望上去潔白乾淨,但事實上,並不是所有酒店都會每天更換床上寢具,有些執房員工為求節省時間,只會將被褥鋪整齊就算。

因為收拾房間的時間有限,不排除有些工作人員看到床單沒有明顯污跡,就把床單回復原狀就算。

酒店衛生黑點
(圖片來源:unsplash@Point3D Commercial Imaging Ltd.)

酒店衛生黑點4. 地氈:缺乏深層清潔

很多星級酒店都會在房間鋪上地氈,可是,清潔和保養地氈需時又麻煩。

因為有不少旅客喜歡穿著鞋子在房間行走,加上食物碎屑、飲料、毛髮容易掉在地氈並隱匿在纖維之中,就會腐爛變質,產生蟲卵和細菌,非常恐怖!

酒店衛生黑點5.茶杯/玻璃杯:沖水+布抹,潔淨程度成疑

不少房客非常有創意,會用熱水壺來洗襪子、煮麵,甚至當成尿壺⋯⋯

放在熱水壺旁邊的茶杯亦未必乾淨,有時清潔房間的時間不夠,可能只會用水隨便沖沖或是用抹布擦乾淨。有時看到杯子明顯沒有用過的痕跡,就會把杯子放好就算。

酒店衛生黑點
(圖片來源:unsplash@Tobias Tullius)

酒店衛生黑點6.電視/冷氣遙控器:藏污納垢之霸

你不能想像酒店房內的遙控器有多骯髒,它被無數人摸過,可是酒店服務員卻很少認真清潔它。很多人入房第一件事就是開電視,現在很多酒店除了電視,還有各類遙控,不理是哪一種,記得用完後要洗手啊!

酒店衛生黑點7.木製行李架:潮濕生虱有原因

酒店也有給客人放行李的木架,客人玩完回酒店房後,通常都會把物品放在架上。酒店會恆常清潔,但的確很少會消毒,也不會仔細地逐條木抹。

另外,如果酒店房間的通風系統不完善,這些木架就會成為木虱、床蚤與臭蟲的溫床。長期把行李打開放在木架上,一個不慎,隨時有木虱跳入行李箱,後果真是不堪設想,所以放行李前,最好還是先看看木架狀況。

酒店客離譜眾生相內幕

對於以下亂象,任職酒店front desk嘅姊妹朋友C聽完大叫平反,話「住客自身都唔好得去邊」喎!一副「沒有誰比誰高尚」嘅戰鬥格。即管睇埋下面點講!

酒店衛生黑點
(圖片來源:Unsplash@Radoslav Bali )

傳說中嘅酒店離譜眾生相「魚柳包放夾萬」原來係真人真事,話說一對強國嘅婆孫反鎖咗夾萬打落前枱求救,其實年中都不知有幾多大頭蝦犯同樣錯誤,C 都司空見慣,咪搵保安一齊上去開鎖。

成功解鎖後,保安「拯救」咗個魚柳包出嚟,大家以為係孫仔嘅惡作劇,正打算發火之際,婆婆伸手接住個包,懵然不知地問:「咦!點解唔熱嘅?」嗯⋯⋯C 已經唔知係好嬲定好笑。佢仲一口氣數埋以下麻煩住客個案,通通「有破壞、冇建設」,整爛嘢罰錢都仲要講價,真係爭唔落啵!

01 | 床墊夠防水!?

嫌毛巾唔夠吸水,抽起張床墊鋪落洗手間防跣!

02 | 企燈晾衫大法

用企燈晾乾尼龍運動褲,最後成條褲燒溶整響警鐘。

03 | 煮飯仔煮到塞渠

猶太人投訴鋅盆窒咗通唔到水,工程師一開發現堆塞大量廚餘,原來係佢自己煮飯仔,仲惡人先告狀!

04 | 酒池肉林

鬼佬開P 玩到成地氈同天花都係紅酒,唔知仲以為係兇案現場!

勢估唔到,C 話最貴嘅並唔係damage fee,反而係清理費喎!所以壓軸嘅 「鬼佬開P 」罰款最「乸脷」,埋單盛惠萬五蚊吖唔該!至於其他損毁物品,亦有不同「公價」可作參考。

酒店衛生黑點
(圖片來源:unsplash@martenbjork)

圖片來源:Unsplash@Jon Tyson、Unsplash@Jared Rice、unsplash@Point3D Commercial Imaging Ltd.、unsplash@Tobias Tullius、Unsplash@Radoslav Bali、unsplash@martenbjork