男友偷買機票請女友聖誕節旅行 女生得悉後超不滿：點解會揀去熱嘅地方！
日前一名女生在網上討論區發帖文，以「雖然男朋友請我去旅行，但我有啲唔開心」作題發帖文。帖文內容描述發帖者的男友私下購買機票於聖誕節共同出國旅遊，女方一聽到消息時驚喜萬分，豈料一得知旅行地點為熱帶國家時，女方卻失望非常，指沒法對男友的好意照單全收，更埋怨對方沒把自己說過的話放上心頭。
聖誕去熱帶國家旅行超無癮 女友：我明示過好多次想過凍嘅聖誕節
女方一邊說不介意目的地，一邊抱怨地說在熱帶國家度聖誕日令冬日氣氛全沒，大呻「聖誕節呢個節日緊係要凍住咁過先有聖誕氣氛，去啲咁熱嘅國家，咩聖誕冬日氣氛都冇」，還因一直以來女方常跟男友說「鍾意聖誕凍冰冰凍住咁過」，埋怨男友「好似佢都唔將我講過嘅野放上心」。她再補充說自己已三年多沒出國旅行，男友的舉動都令她很感動，但「如果去請我去啲會落雪嘅地方我應該會更加開心。」
網民替男友不值：呢個時勢有得去算係咁啦！
帖文發佈後，有網民認同女生，指「如果可以，聖誕節一定喺凍嘅地方過最浪漫」，建議女方「你再買過機票咪得囉，去邊度你自己揀，揀啲零下40、50度嘅地方去囉，夠晒凍啦」。亦有網民覺得男友事前沒跟女方溝通，認為「男友冇同你溝通係死罪，分手啦」。不過亦有不少留言反斥女生「不知足」，稱「其實有得去旅行已經好好，要知足」，就算身為女生都對其想法看不下去，指「我女仔都睇唔過眼，樓主真難服侍」、「港女心態得一想二，永無滿足」，而遇到感情問題，網民都建議一律「放過你男友，分手啦」。
