美少女戰士，係好多人的童年回憶，翻睇卡通都仲未夠，就一定要去位於銅鑼灣的美少女戰士期間限定店，入面有大量美少女戰士商品發售。店舖會開到1月3日，要買就要把握機會啦！
由少爺占和日本通王友良聯手打造的品牌TMDJ，繼早前推出大型美少女戰士企劃後，今個聖誕再將美少女戰士帶入銅鑼灣，開設美少女戰士期間限定店，推出多款全新產品。包括有變身器cushion、手袋、散紙包、飾物等，絕對會令美少女戰士迷瘋狂。而係世貿中心的 Pop-up Store就以「夢幻星空」為主題，中間仲有5位美少女戰士展版比大家影相。
有手袋又有cushion，夠曬實用。有精靈的露娜樣子做袋身，配上高貴的金鏈，可愛又不失貴氣。而立體造型的變身棒cushion令人愛不釋手，有60CM長，拎住都真係想即刻變身。它手工細緻，還加上紅色珠珠扮寶石。
美少女戰士有咁多角色，要滿足各位粉絲，當然要推出不同款式的產品比大家選擇。今次散紙包就推出左不同顏色同角色，鍾意儲齊整套的朋友仔，就將它們帶曬返屋企啦！
現場有玻璃櫃，展示左幾十款美少女戰士的精品，有公仔、貼紙等，走一個懷舊風格！另外，變身粉盒cushion都是其中一款好搶手的商品，每次推左粉盒造型產品大家都會好興奮，今次仲要係cushion，大家就可以日日抱住啦！
圖片: TMDJ Facebook
TMDJ 美少女戰士期間限定店
日期: 即日至2016年1月3日
地址: 銅鑼灣怡和街22-24號 csl. 2樓
TMDJ 尊櫃
地址: 銅鑼灣世貿中心 wtc more P4 433號店
查詢: 28668191