網民入住荃灣酒店驚到匿入被窩 網上求救：部電視無啦啦自己開咗！
最近有網民於討論區指自己一人入住荃灣酒店，期間電視突然自動開關，因而害怕得匿入被窩，網上求救問網民意見應如知是好。有網民建議事主學《回魂夜》般先把電視電源拔掉，指「無電源一定開唔到啦」，不過網民則反駁指「痴線，千祈唔好！如果整走咗插蘇電視都著，你會仲驚。」有網民則指懷疑撞鬼最緊要唔好驚，應該直接「問候對方家母」。亦有網民指「睇吓佢鍾意TVB定ViuTV，啱睇咪一齊睇」，然後最後說一句：「睇完好走啦」，保證它不會再騷擾你。
網民派定心丸：好可能係惡作劇啫！
亦有網民正經分享，指或許是電視的「計時功能」被開啟，所以電視才會在特定時間自動開啟；亦有可能可能是電視遙控的「開機制」上有電力尚存，所以引致電視會自動開啟。網民表示自己曾在歐洲旅行時曾遭無聊人用計時功能惡作劇，所以是經驗之談不必過於驚慌。
網民分享同樣經歷：「住corner 位嘅，門口感應燈成晚又開又熄」
有住過同一酒店的網民指，「試過住corner 位房，門口感應燈成晚又開又閂，一到朝早就無事」、「我試過關咗四次都自己開返，然後直接拔走電插座先瞓」、「嗰日入去個酒店明明插咗卡開晒燈，轉個頭全部熄晒，我講咗句：『妖，唔好玩燈喇，唔係打爆你個頭』，然後就停咗」。不過亦有網民分享一次誤會的經歷，指「我會熄晒燈瞓覺，上床一合埋眼就聽到房門有撞開一聲，然後門口燈突著咗，我覺得如果我唔行去門口睇就會一世都咁淆底，然後就行去門口睇個窺視孔見到個女人同個男人拖住喼走，應該係佢地關門個氣流推郁我間房門，門口郁一郁盞燈自動感應就著」。
荃灣酒店過夜撞鬼超常見 鬼壓床仲睇見有靈體 留言狂估邊間酒店
相關酒店其實亦有網民於討論區以「去荃灣某酒店staycation撞鬼 被鬼責 廁所水自動沖」為題，發文分享過早前酒店入住經歷，指自己與2位朋友入住一間荃灣酒店打算玩兩日一夜，結果卻變成驚魂夜，真係相當嚇人！
事主分享，自己剛入房間已經感到房間有異常。「一入到房冇耐我已經耳鳴 ，然後有少少頭赤赤，以為自己感親，都冇咩理。」然而，在深夜時分，在事主快將入睡時，他突然感到有「人」在房間內不斷行走。「然後feel到有嘢壓落我身體，我完全郁唔到。」事主稱，當時自己半邊身麻痹接近5分鐘，想叫都叫唔到！
然而，事件仍然未告一段落。事主話被鬼壓的同時，忽然聽到廁所傳來沖水聲。「望一望個鐘，5點3，身邊兩個朋友仍然瞓到豬頭咁。」嚇到事主即刻用被蓋住個頭等天光。「之後我都唔敢再瞓番。」直到離開酒店，樓主向身邊友人分享經歷，友人才透露其實一早已經感覺有古怪。「Feel到間房有一大一細嘅靈體，不過佢哋只係好奇冇惡意，話我因為時運低先咁喎！」
究竟邊間酒店咁猛鬼？除了在標題透露酒店位於荃灣，事主更畀足線索，話：「間酒店超高，房間用色好暗。」「冇記錯係分咗兩座，一座矮一座高。」加上荃灣酒店其實並不算多，各位網民好踴躍回覆猜測酒店名稱。雖然事主直到最後都未有透露酒店名稱，不過似乎仍然無法撲滅網民們的熱情，依然估得相當熱烈。大家又覺得是哪一間酒店呢？
精彩網民留言
