01 | 馬來西亞空姐呻「港客奉旨冇禮貌」
眾多留言中，最感同身受的一定是一眾空姐及地勤人員，見盡世界各地離譜客人的他們，異口同聲表示港客勁惡頂，最估唔到係來自馬來西亞的空姐都有個案分享！
我都試過和港人一起坐機，一開始我看見婆婆不會使用觸屏螢幕，我就教她點用，她不但沒唔該。我開頭頂行李架時不小心跌咗包零食，我已經即刻say sorry，她立即是那種不客氣的語氣和話小心啲呀 ！我也害怕傷害到人，哪怕是一包薯片。我真的後悔幫她囉。
地勤也中招！
航空業界中，最受氣一定有地勤份，只不過有港客連其他公司嘅地勤都唔放過，仲用粗口問候人，勁無辜！
曾經喺香港機場做過某地勤公司嘅實習，試過有對香港人夫婦搭CX，拎完行李之後捉住我講件行李爛咗。由於我唔係CX地勤所以處理唔到，所以請他佢哋去CX櫃位處理。
跟住唔知佢哋聽咗乜佢搵咗16號行李帶（HKG得1 – 14），行晒成個場搵唔到之後就返嚟用四字粗口問候我，明明指埋方向俾你哋睇都可以去錯咗囉唔知點解！
雖然大陸嘅文化係差啲，但係最基本嘅禮貌都有嘅。但香港人係連最基本嘅禮貌都冇晒囉，真心唔見得香港人好得去邊！
02 | 港客機上離譜行為
綜合空服人員、網民經歷，港客最鍾意霸窗口位、大聲講嘢、霸行李櫃、貪小便宜等等等等，唔知你又有冇遇過？
03 | 服務業界表示「港客似青山走犯」
眾多留言中，從事服務業的網友留言最踴躍，由本地零售業、酒店前台、接線生、澳洲餐廳侍應到在澳門賭場工作的朋友都曾同極品港客過招，他們遇到的港客直達地獄級程度！
做過服務業嘅人都會知道其中辛酸……日日都係青山Open Day ……最憎啲人衝入嚟叫你拎嘢試，全場試 晒咁濟，突然之間有人嗌：「媽咪，有位啦！」鳥獸散拍拍囉柚走晒去隔離食糖水，唔該都冇句！小喇叭！
港客惡頂，全世界都知！
最衰都係劉德華？
有網民認為港人被劉華縱壞，希望劉華重拍廣告並換句新slogan。
04 | 冇得兜！港人都睇唔過眼「極品港客」行為
有乜慘得過同極品港客搭同一班機？咪就係落地又再次撞到極品港客囉！浸溫泉、大陸團，就連非洲人都頂極品港客唔順，失禮版圖方面，極品港客比大陸人有過之而無不及。
05 | 玻璃心網民：「港客都冇失禁……」
當然有彈亦都有讚，唔少玻璃心網民立即齊撐自己友，仲覺得港客起碼冇失禁，將旅客應有的品德操守降低至小學雞（或更低）程度，都唔知係好笑定可悲！
