佛誕長假期間即使未有留意 GOtrip Facebook Page,但經地鐵、電視、網絡鋪天蓋地宣傳都知,澳門銀河二期於今日 5 月 27 日正式開幕。日前 GOtrip 編輯與特派員 Andy 就趁開幕前率先過大海,試住其中一間新酒店 - 澳門JW萬豪酒店(下稱JW Marriott)。

從酒店大門入口步行至 lobby 需時約半分鐘,但切記進入大門後轉右才可到達 JW Marriott之 lobby(轉左為 Ritz Carlton 酒店部份),編輯到達當日未有見到明確標示,幸好有工作人員帶路才不至於走錯方向。



酒店大堂頂置有美藉韓國藝術家 Soo Sunny Park 創作的裝置藝術「銀河光影」,經裝置折射出七彩光芒投影牆上,非常搶眼(最佳拍攝位:2樓JW萬豪行政會所旁)

小編入住19樓的入門房種豪華兩床客房,搭超快廿幾秒就上到19樓。背著沉重背包的小編望著房間號碼心知不妙,原來小編被分配至走廊尾二房間,從口步行至房間每次均需近2分鐘。

終於入到房間啦!

一開門發現雙數房可俯瞰天浪淘園及遠望銀河一期景觀,馬上心情大好,「2分鐘?濕濕碎啦!」

反觀 Andy雖然住近口,但被分配入住單數房,只能與地盤街景同眠。

拉開浴室抽屜,除了一般牙刷、梳子、剃刀等基本用品,竟然出現電視遙控,原來浴室鏡子內置電視,方便刷牙浸浴都Stay Connected。

再加上浴缸上出現放書架,小編肯肯定設計者特別為懶人住客著想,留喺浴室全日浸甩皮都唔會悶親兼脫節。

下一頁:酒店早餐!

 


風筒黑點:風筒插頭隱藏於抽屜內,住客一邊吹頭一邊與風筒玩拉力賽,身高188的 Andy更加要出力與彈簧電線搏鬥。

廁具採用德國百年浴室品牌duravit,簡約設計結合日本科技,廁所板自動開闔、LED夜燈、座板溫度調較……(下刪三百字)

第一次用睇唔明牆上遙控,可能旁邊的電話係比小編打電話問家庭觀眾。

房間消費 $38 起跳,想食杯麵宵夜最好事先買定。

茶壺茶包、Nestle咖啡機與Capsule 通通齊全,咖啡因粉絲大愛。

另一個重點環節 - 早餐部份第一天表現相當不濟,雖然食物方面中西齊全、熱冷俱備,但由於食客人數眾多,人手不足,安排好座位後馬上下單的咖啡紅茶遲遲未出現,等約 40 分鐘,快將離座之際飲品才出現,只好滾水淥腳般飲兩啖便離開,唯望酒店開業後能在早餐高峰期加派人手安排座位及下單。

幸好第二日享用早餐人數減少,上熱飲速度對比第一日可以「光速」形容,而小編亦有充裕時間細嘗各項菜式。即煎奄列太普通?同場亦有即場手拉麵條,味道不俗。

想品嘗澳萄特色?炒馬介休與烤沙甸魚或能滿足你「試少少」心態。