港女：好怕同一大班朋友一齊旅行
日前有女網民以「真係好怕同一大班朋友一齊旅行」為題於討論區發文，大呻最近與朋友plan行程的糟糕經歷。當中更力數與朋友旅行的3大麻煩事，引起大批網民的熱烈討論！
她與幾位認識很久的朋友早在去年已經買好了今年復活節假期的機票，亦已預訂好酒店，萬事俱備打算好好享受這個難得的悠長假期。不過沒想到買完機票、訂完酒店，才是惡夢的開始！
1. 行程一直未傾
在買完機票訂完酒店後，就一直想傾傾有什麼景點想去，plan行程也是時間。但直到臨近出發日的現在，幾個人都未有任何想傾行程的感覺，令她頗為不滿。
2. 突然而來的「唔得閒」
出發日子將近，但Group內的其中一位朋友突然表示「復活節有幾日原來唔得閒，要遲幾日先出發」。一個人遲出發都不是太大問題，不會太影響到行程，但問題是那位朋友居然因為自己遲出發，卻向其他同行的人提出不合理要求，「佢仲想我哋退返啲酒店錢畀佢，但都已經book晒，點退呀？」
3. 唔幫手plan行程仲嫌三嫌四
其中一位朋友見大家遲遲都沒有plan行程的打算，便好心地自行排好行程，並send到群組上。事主表示：「其實我就冇咩所謂，覺得個行程都幾好」，對對方幫手plan行程的舉動十分感激。但其他人卻不像事主抱著感恩的心，「其他朋友就係到嫌三嫌四，又話做咩唔去呢到，嗰個景點點解唔去……」令她極為無奈。
網民：最憎就係唔幫手又樣樣都唔鍾意嘅人
事主的帖文引起不少網民的熱烈討論，網民都紛紛留言指出：「最煩就係，有啲人無主意，咁等人哋出主意，佢哋又話呢樣唔好個樣唔好」、「人夾人本身已經好難，你依家仲要人夾人夾人，真係自己攞苦嚟辛」、「相當肯定去完呢次旅行後，你哋關係比前疏離，甚至有個別連朋友都唔再做」。
不過也有網民提出解決方法：「啱玩嘅景點就一齊玩，唔啱就可以各自玩，玩到咁上下咪集合返，唔洗太放喺心，出去玩最緊要開心」。
不一定全部人由頭到尾一起去玩，可以各自去自己想去的地方，到時可以再約食飯，或一齊去喜歡的景點，這是最好的安排。
不要以為好自私自我，或失去一齊去旅的歡樂，其實這是最少磨擦，每個人最多收獲的好方法。每晚大家回到酒店，互相share當天經歷反而更滿足愉快。
