港女起飛前15分鐘Check-in 遭地勤拒絕極不滿
日前有名女網民於香港討論區發文，甫開頭就直斥「國泰職員係咩態度？」，大鬧國泰航空的職員。她指當時自己並無寄艙行李，因此在距離飛機起飛前15分鐘才到航空公司的櫃檯辦理登機手續。不過想當然爾，只有15分鐘的時間是不足以辦理登機手續、過海關與趕往登機閘口，櫃檯的地勤便向事主表示：「趕唔切㗎啦，搭飛機唔同搭巴士呀」，拒絕為她辦理登機手續，但就令她極為不滿：
佢唔幫我趕飛機不特止，仲講埋啲有骨的說話！
佢係可以即刻打電話俾閘口等埋我但佢無咁做！
賴死唔走要求協助：記住唔好俾佢偷懶唔做嘢！
最後氣憤的事主也只能更改航班出發，不過地勤就只是「遞張紙仔」要求她自行致電處理預訂，令她更加不爽，「嘩，好嘢喎！仲hea過啲公務員！」及後更「賴死唔走」，要求地勤提供協助，令地勤逼於無奈地幫她打電話到票務部為他處理，並以電話聯絡成功付款及出登機證。事後她憤慨地怒轟國泰地勤：
你哋有你見過啲咁嘅地勤？
可以服務差成咁？
可唔可以投訴？
記住唔好俾佢偷懶唔做嘢！
真係好差的體驗！
既然國泰的質素淪落如此，
我以後唔搭CX，
CX應該考慮吓炒咗呢班老屎，請過班新人，唔會識寸人！
佢嘅態度就係跟規矩辦事，唔好搞到佢咁
咁航空公司轉晒自助check-in啦，咪唔好請人囉！
圍爐取暖失敗反被恥笑：好大嘅官威喎！
事主發文原打算圍爐取暖，不過就被網民一面倒圍剿，「15分鐘你當搭巴士呀？你仲要過入境過安檢，仲話打電話去架飛機等埋你？你邊位呀？有本事就自己買架私人飛機囉咁叻！」、「我會建議CX將你列入黑名單」、「你知唔知，航空公司因為你遲到登機而delay，係要罰錢㗎！15分鐘，過安檢都未得啦，我覺得佢肯幫你打電話，你已經執到，正常可以skip咗你做下位乘客，仲要話人咁嘅服務態度，佢已經做多咗㗎啦！」。
更有網民語帶嘲諷地留言到：「反省下自己先啦，尊貴的香港人！」、「好大嘅官威喎呢位客人」、「可以學下大陸人， 瞓喺到賴死上唔到機！」
班機距離起飛時間仲有15分鐘：航空公司條款寫得好清楚，至少50分鐘之前到達櫃位辦理登機手續
趕唔切㗎啦，搭飛機唔同搭巴士呀：講事實，有乜問題？
打電話俾閘口叫人等埋我：如果15分鐘之內去唔到閘口，要幾百人等你一個？
全部人登機後，機師及閘口職員要同控制塔確認一大堆訊號、手續，先可以離開登機橋，
你起飛前1分鐘至衝入去，航機至少Delay 20分鐘Reschedule班機：地勤工作係辦理登機手續、Book 位，在機場有另一個Counter
你去茶記食飯，會唔會叫收銀阿姐同你落單？可唔可以投訴：可以，請打 999
事後面對網民排山倒海的指責與恥笑，事主便惱羞成怒地反駁一眾網民：「成班好似個個做地勤咁，討論區網民階層立見，他朝君體也相同！！！」最後更將文章標題由「國泰職員係咩態度？」改為「國泰快啲執啦」，並深潛了事。
