有港人分享最近入住某「西貢海景酒店」的經歷,表示房間電視會突然自動開啟,浴室又會傳來詭異歌聲,走廊更傳出一陣強烈酸縮味發霉味,恐怖體驗令她大呼「全晚冇覺好瞓」。網民見到經歷之後,齊齊估酒店名,你又估唔估到係邊間酒店呢?

撰文:CY|圖片來源:新傳媒資料庫、unsplash

港人住西貢海景酒店撞鬼 深夜響起詭異歌聲 走廊傳出強烈臭味

之前有港人去Staycation住荃灣酒店話自己撞鬼瀨嘢,不過,香港猛鬼酒店又點止一間?今次事主入住某「西貢海景酒店」時,被安排入住二樓尾房,點知「一入房已經頭痛耳鳴,個感覺好唔舒服」,似乎已經有「瀨嘢」的預兆。

事主話之前就算去泰國,都未試過遇上今次西貢海景酒店咁猛嘅經歷。(圖片來源:新傳媒編輯部)
事主話之前就算去泰國,都未試過遇上今次「西貢海景酒店」咁猛嘅經歷。(圖片來源:新傳媒編輯部)

點知真係愈夜愈猛鬼,事主話「入房30分鐘唔夠,電視自己開」,又話「沖涼房聽到有歌聲」,最恐怖莫過於「喺走廊行到近尾房,一直聞到一種強烈酸縮味、發霉嘅味」、「戴住口罩都聞到好強烈」,令事主徹夜難眠。

強烈酸縮味剩係得走廊同尾房有,大堂及電梯則聞不到。(圖片來源:Unsplash@neonbrand)
強烈酸縮味剩係得走廊同尾房有,大堂及電梯位置則聞不到。(圖片來源:unsplash@neonbrand)

事主自己話只係入住一晚,發生的事情不算多,不過,夜晚時會覺得好焗好壓迫,對網民笑言「有興趣可以book一晚體驗下」。

網民都認真搞笑,話:「靈探Staycation有冇折?」至於有部分網民問是哪一間酒店,事主僅透露該酒店位於西貢、能夠觀賞海景,以及樓高4層。大家又估唔估到呢?

事主分享及精彩網民留言

港人住西貢海景酒店撞鬼 深夜響起詭異歌聲 走廊傳出強烈臭味
港人住西貢海景酒店撞鬼 深夜響起詭異歌聲 走廊傳出強烈臭味