作為一等一小酒鬼,出外公幹必定飲一兩杯借醉體察當地民情,哈哈。上次去日本沖繩縣石垣島同陽光玩遊戲,被我發現到100% 石垣手工啤酒, 終極貼地,更驚見「海水」味啤!我立即捉住model扮杯緣子,又飲又狂影相。

重點是效法「斷片大師」吳幸美精神,我一次過試盡5種口味,睇下我個精選報告啦!唔止鼎鼎大名的Orion啤酒, 沖繩手工啤 都好爽歪歪啊!

採訪:

攝影:Kwanyiu

精選3大口味 石垣島地ビ〡ル

1.「海味」冇鹹有濕

海之味,即係咩味?售貨員講笑話是由石垣島海域透明度極高的海水,直入樽而製,真幽默。查實係以海洋清新之感為主調,抑制苦澀,小麥香馥,飲完亦不會喉乾,女孩子必愛!

辛:★★☆☆☆
香:★★★★★
甜:★★★☆☆

 

2.酒道「小黑」妹

攝影師知我鍾情黑啤都大為驚訝,一向有飲開Murphy’s,對此款就更駕輕就熟,一點都不苦,但味道層次豐厚,最緊要唔酸,只是冇咩泡泡爭啲,冇計啦手工啤!
辛:★★★★★
香:★★★★☆
甜:★★☆☆☆

 

3.原味麥不可擋

麥芽味最濃,果香、回甘十分淡麗。Model就話有蜜瓜甜味,好有亞熱帶感覺,為多種口味中最平衡之選擇!
辛:★★★☆☆
香:★★★☆☆
甜:★★★★☆

 

TIPS!

石垣島地ビール三種口味都比較易入口,我個人喜歡麥芽甜味,首選原味最正!大家可以在大川商店街的手信小店就買到,保鮮期60天,由於冇化學防腐劑,購買後6小時內須冷藏。

同場加映Asahi

本人「愛將」Asahi 沖繩限定3款果汁汽酒,Asahi「南国チュ〡ハイ」沖繩限定果味酒,有三種口味,包括菠蘿、檸檬、櫻桃,全加入四季柑作底調,但得4%酒精,對我此等酒鬼來說,實在當梳打水咁飲,都係貪佢包裝啱feel 過癮,當手信都好啊!

1.菠蘿最夾

菠蘿加四季柑是3款中最match,酸酸甜甜似cocktail,有雜果賓治感覺。

甜:★★★★☆

 

2.櫻桃味伏

櫻桃味有少少伏,稍似藥水。粉紅色包裝最靚,當手信都好,宜睇不宜飲。
甜:★★★★★

 

3.檸汁解悶

最酸之選,檸水咁嘅效果,可解暑氣。
甜:★★★☆☆

 

睇下仲有咩好玩: