(Presented by Stanley Plaza)

攝影:Scott

一踏入12月,就感覺到濃濃嘅聖誕氣氛,聽住身邊一個個朋友話去歐洲過聖誕,即刻由Sunny變到有啲葡萄!不過喺香港一樣可以感受歐洲嘅節日氣氛,就係去舊年人氣爆燈嘅 赤柱廣場聖誕市集 喇!今年呢個市集強勢回歸,主題仲加添咗童話元素,好似5米高嘅巨型糖果屋,感覺超夢幻。

市集設計靈感取材自德國紐倫堡好出名嘅Christ Kindles Market聖誕市集,氣氛浪漫迷人,連美食、精品嘅攤位都好有地道德國風味。市集由下星期六起一連兩個星期六、日開放,想知食買玩熱點,同埋邊度影相打卡最正,一定要睇,到時分分鐘呃到唔少like,以為你去咗德國!

01│必去影相位:5米高sweet爆糖果屋

全場焦點兼打卡必去selfie熱點,5米高1:1巨型Pinky五感糖果屋,粉紅色小屋參照格林童話「Hänsel und Gretel」為主題,既夢幻而且仲可以有五感享受:糖果屋內放滿手工波板糖,sweet爆香氣撲鼻而來;地上鋪滿好似棉花糖咁一粒粒的海綿,仲有輕快音樂襯托,感覺自己好似童話主角咁。

 

02│首創:波板糖buffet你食過未?

糖果屋裡面竟然設有全港首創嘅波板糖任食自助餐!只要消費滿$500就可以換領參加證,憑證可以食到著名手工糖果品牌Papabubble嘅8款波板糖!

03│必買:Made in Germany原味登陸

聖誕市集可以搵到多個專誠由德國飛嚟香港嘅手作同精品,地道又有特色,唔使換歐元都即刻買到心頭好!

04│必掃:市集限定童話主題食品

德國童話村聖誕市集今年有80個攤檔參加,當中唔少食品更以德國童話故事為原創概念,好睇又好食,肯定你買到唔捨得走。

 

 

05│Flash Mob:聖誕老人都嚟玩

今年 赤柱廣場聖誕市集 繼續會有唔少好玩熱鬧嘅節目同表演,包括聖誕化妝巡遊、聖誕老人到訪、Flash Mob驚喜快閃、聖誕合唱團演唱、銅管樂團演奏、童話故事演講等等,節日氣氛超濃!

 

 

 赤柱廣場聖誕市集 資料:

赤柱廣場德國聖誕市集
地點:赤柱廣場天幕廣場
開放日期:12月10、11、17、18日(一連兩個星期六、日)
開放時間:12:00nn-8:00pm
免費穿梭巴士:12:00nn-9:00pm往返金鐘、灣仔、筲箕灣及柴灣
免費穿梭船:12:00nn-9:00pm往返香港仔逸港居碼頭及赤柱卜公碼頭
有關以上特別安排之詳情,請瀏覽Linkhk.com。

「泊食易」:下載這手機app可查閱赤柱廣場即時泊車資訊外,更可換領發光棉花糖。車位有限,建議大家乘搭公共交通工具前往。