世間上許多段友情、愛情都在一個旅行中消失得無影無蹤,短短幾日就看清一個人。有網民分享自己遊日時做「褓姆」的經歷,旅程中因為識日文,所以自動成為了免費導遊、翻譯,一個人照顧6個同行的「巨嬰」旅伴,令她十分生氣。事件亦引起網民共鳴,分享了旅伴7大難頂行為,更認為獨遊更開心!

網民遊日自動當選成為免費導遊兼翻譯 照顧同行6個巨嬰 網民:絕交吧

一位網民在Dcard討論區上以「出國雷包旅伴被我遇到了」為題,分享出發前及旅途中都要負責照顧6個極品旅伴的經歷,不少網民看到後都指:「你這旅伴太雷了吧」、「呢6個旅伴仲廢過我媽」、「自己一人比較輕鬆自在」等。

出發前:sd張圖話想去但唔搵地址

網民分享在出發前已感受到滿滿的不安,6位旅伴找到想去的地方、美食店只給圖片,並說:「這個好像很好吃」、「這個聽說是必去」,但不會幫手搵地址,然後剩下的全交給事主。網民就指:「丟給你叫你安排客製化行程」、「明明是自己想去的地方,卻要丟給我們來找怎麼去」等。

極品旅伴 慘過做褓姆 事主要看圖搵地址
事主要看圖搵地址(圖片來源:《Start up》劇照)

旅途中:唯一識日文要搵路、溝通、點餐

該名網民指當到埗日本時更過份了,因為7個人之中只有她一個識日文,所以找地鐵站是她,點餐都是她,同行的6名朋友就在一旁乾等。中途有人想去其中一間網紅店,就直接問她位置!中間有分頭行事的行程,時不時就會打電話給事主與日本店員溝通,或者是問一些Google查下就有答案的問題。網民鬧爆:「當人Google?」、「發現很多人連用Google都懶,只會用手機拍照」、「淨係sd圖真係超級討厭,根本無諗過順唔順路」等。

極品旅伴 慘過做褓姆 識日文就要搵路、溝通、點餐
識日文就要搵路、溝通、點餐(圖片來源:新傳媒資料庫)

事主一招反擊:不知道、不確定、隨便你

事主以往都試過與不懂日文的朋友一同旅行,當時他們都會記得行程、查地鐵,但這次她去到後期接受不了旅伴太過份以及經常睡過頭要改行程,所以旅伴再問她任何問題都回答「不知道」、「不確定」、「隨便你」。

極品旅伴 慘過做褓姆 事主決定唔再照顧班巨嬰
事主決定唔再照顧班巨嬰(圖片來源:《上流寄生族》劇照)

網民:其實真的不需要旅伴

網民都鬧爆事主的朋友:「其實真的不需要旅伴」、「當整團只有你會日文,妳就要開始警覺了」、「明明只要上網Check下就解決到的問題」、「旅伴要慎選」、「只能說有的人適合當朋友,不適合當旅伴」、「乾脆直接跟他們收導遊費和翻譯費」等。

揀錯旅伴寧願留返喺香港 7項難頂行為:使人唔做本、自私精

旅伴可以說是最能夠影響整個旅程的關鍵因素,但並非每個人都十分幸運地可以合拍的旅伴,而以下是網民遇過極品旅伴,旅行後要絕交的故事,最主要有7個原因。

1|個人自由最重要:深夜播粵曲

當旅伴自私的行為影響到大家休息就不太好。

網民分享:

有種旅伴同你同房,然後深夜一點幾用手機播粵曲,放喺出面嘈住你瞓,但自己走咗沖涼,仲要唔肯教細聲,話自己有自由;日日喺街玩手機玩到跟唔上大隊步伐,要成村人等佢。

極品旅伴 慘過做褓姆 旅伴 深夜播粵曲
深夜播粵曲(圖片來源:《霸王別姬》劇照)

2|旅行變Work-out-of-home:攝影師、司機、翻譯

當個人強項在旅行被迫變成免費勞工時,就變成工作旅行。

網民分享:

有個旅行腳,幫佢影相,影一幅睇一幅,唔得,再影,唔得,再影。影到佢滿意為止。大佬呀!我去旅行,唔係做佢随行攝影師,但係呢啲自私L從來唔覺得自己有問題,仲話我影得唔好!

幾年前老公有個同事咁啱一家7口準備去日本,知道我識日文就話叫埋我哋兩個去,叫我幫佢哋做翻譯。但我又唔識你同事,又唔識佢啲屋企人,做翻譯又無錢收,自己畀錢去旅行,仲要又冇哂自由。

去澳洲9日做足9日司機,plan行程,點菜(英文較好)。有次個旅伴淨係放低自己個喼在車邊,自己上車先,我真的火滾咗。

極品旅伴 慘過做褓姆 旅伴 去澳洲9日做足9日司機
去澳洲9日做足9日司機(圖片來源:unsplash@Alfred Boivin)

3| 極品公主病:西人上身、唔識未去過大哂

平日都沒有察覺到極品旅伴有「公主病」的症狀,但對足幾日幾夜就暴露哂。

網民分享:

佢話自己未去過台灣,乜都唔識,又話無所謂,就跟我行程都OK。Plan好哂到出發前掉個地方出嚟話想去,但其實交通唔方便要搭幾個鐘到車先到,佢自己又唔搵路,不停強調自己「唔識」、「第一次去」。

旅程期間「西人」上身,對住唔識英文嘅台灣朋友不停講英文,去便利店買嘢飲都要講英文,但明明識講國語⋯⋯

旅途中,問嘅時候就話無所謂,但去到就嫌三嫌四,一個景點影成10分鐘相,佢部電話影到唔夠位要用我部電話幫佢影相,要成班人等佢。

極品旅伴 慘過做褓姆 旅伴 公主病
公主病(圖片來源:TVB《愛回家之開心速遞》劇照)

4| 真·做褓姆

旅程中要貼身照顧極品旅伴,朋友都仲話可以絕交,但與家人同行的話就只能「忍」。

網民分享:

旅伴係屋企人,乜都嫌貴、乜都嫌遠,咩事都要你做,特別係老竇老媽子,連手機充電都係我嘅責任。

點止做翻譯,由訂酒店,訂餐廳,換錢,買保險,搵路,燒埋肉,分菜,做阿公。仲要做埋老媽子叫人起身刷牙洗面。事前畀資料無反應,坐低間餐廳先問我點解要嚟呢度,去到個景點又問點解嚟呢度,最後上唔到機,叫我賠番機票錢畀佢。

極品旅伴 慘過做褓姆 旅伴 做人褓姆
做人褓姆(圖片來源:《Goodbye, Christopher robin 》劇照)

5|瞓到唔知醒/出門前「摩」幾個鐘

去旅行短短幾日,不少都認為「時間就是金錢」,期望在當地盡可能去多幾個景點!但都會有朋友睡過頭或出門前搞好耐,耽誤接下來的行程。
網民分享:

靡靡摩摩又唔早啲起身,成班人乾等,等到過晒鐘。

有啲女仔唔會瞓過頭,但等佢洗臉、護膚、化妝、揀衫、揀鞋、揀飾品可以等到地老天荒,整一粒鐘就出門都算快,有啲人要兩小時,真係等到佛都有火!

極品旅伴 慘過做褓姆 旅伴 整一粒鐘就出門都算快
整一粒鐘就出門都算快(圖片來源:《女神降臨》劇照 )

6|嫌三嫌四

當旅伴決定要全權交給其他人負責行程上的事項,但每到一個地方都會問點解去呢個地方、點解要食呢間餐廳,很多意見,而事前連行程「睇都無睇過」,沒有意見。

其實朋友咩都唔做問題都唔大,只要唔好人哋問嘅時候又唔講,旅途中又要呢樣、嗰樣,嫌三嫌四。

7| 體力不足要返酒店

網民分享:

試過同個廢人去旅行,日日行完半日街已經話攰要返酒店抖下,嗰幾日躺平時間多過行街,真係公主病得好嚴重。

極品旅伴 慘過做褓姆 旅伴 返酒店「躺平」
返酒店「躺平」(圖片來源:Unsplash by JOYUMA)

圖片來源:unsplash@blackodc、《Start up》劇照、《上流寄生族》劇照、新傳媒資料庫資料或影片來源:Dcard