【明星搭飛機】昨日國泰空姐「Sa姐」大爆10大最喜愛+最討厭明星乘客,令全城都在猜燈謎!其實明星都是人,同大家一樣去外國都要坐飛機,雖然出名的明星會坐頭等或商務,普通乘客都未必接觸到,但地勤、空服人員就要直接Serve。所以行內間都流傳不少星搭飛機 的軼事,而今次的主角地勤人員,同樣見盡check-in百態,今次就同大家分享幾單一直在業內流傳的經典秘聞!

編輯:Yuen|資料來源:新傳媒資料庫

明星搭飛機01 | 中大基督徒:單眼扮熟 搏免收超重費

行李過磅要求地勤人員網開一面,相信不少人都試過,少少地兩、三磅都可能有機會過骨,但兩大車行李都夠膽要求Free!
上世紀憑住唱上、下集情歌紅過一陣的「中大基督徒」,就選擇先以R水吹扮熟,繼而以45度微笑兼單眼的俏皮舉止,試圖博取地勤免收行李超重費,可惜最終失敗而回,換來是這件被業界花生友廣泛流傳至今……只可以講,哈哈哈哈哈!
題示:#TVB #中大 #基督徒 #大陸 #知不知每晚想你十次百次

明星搭飛機
題示:#TVB #中大 #基督徒 #大陸 #知不知每晚想你十次百次

明星搭飛機02 | 飲綠茶墮馬:癡女見偶像 飛上海變上京

地勤都是普通人,面對名人,並非個個都把持得住,何況是細細個已經鍾意的天王級巨星!有地勤就因為只顧睇明星,而犯下大錯。
話說名人A原定要到上海公幹,該地勤卻錯誤輸入為北京的航班,天王本人懵然不知,直至在登機閘口撞見「獎門人」,傾談下才發現自己差一點就坐錯機!由於事件實在太嚴重,該地勤都難逃要收warning letter的命運,最慘是喊到豬頭都不獲同情。
題示:#四大天王 #童年回憶 #綠茶 #墮馬 #生女

明星搭飛機
題示:#四大天王 #童年回憶 #綠茶 #墮馬 #生女

明星搭飛機03 | 露股影帝:拒做港豬 有氣有力真男人

其實並非所有名人都難服侍的,話說有次名人L同太太一齊check-in,地勤準備幫對方件行李擺上磅,名人L即時自動波出手,仲好友善咁話:「呢啲梗係男人做啦!」
對比絕大部分繑埋雙手闊佬懶理的港豬來講,絕對是最佳乘客的典範,作為地勤自然印象分大加,最有趣是檢查證件時,名人L張相竟然是呂奇造型,當該地勤一抬頭,名人L竟然笑眯眯望住對方畀反應,盡顯風趣幽默的性格。
題示:#影帝 #硬漢 #孖女 #露股 #超級好男人

明星搭飛機
題示:#影帝 #硬漢 #孖女 #露股 #超級好男人

明星搭飛機04 | 野生捕獲:真正特首 合照永冇say no

稱得上「民間特首」的名人C並非浪得虛名,貴為超級巨星,每次出入機場都會引起一陣哄動(要強調並非當事人太高調,純粹巨星磁場太強,無論行山、行街市都成為市民野生捕獲對象)。
地勤為表現專業的一面,惟有暗暗隱藏一顆少女粉絲心,但在場其他搭客就相當興奮,該地勤更目睹名人C好nice咁同歪國人影迷有講有笑先離開,真正國際巨星的風範!
題示:#荷里活 #南丫島 #民間特首 #親民 #行山 #九龍城

明星搭飛機
題示:#荷里活 #南丫島 #民間特首 #親民 #行山 #九龍城

Tags :