阿媽成日話︰「食不言寢不語。」中外文化標榜無聲進食，先係有禮貌重禮儀的行為。去到日本，見到陰聲細氣的日本妹食飯，一樣係靜悄悄，針掉落地上都有聲。 點知去到拉麵店食宵夜，好震驚，食拉麵的時候，不分男女老幼都發出強勁的「雪雪」聲！有外國人批評 拉麵食法 食到「雪雪」聲，儀態似豬，觸動到日人神經，嬲到叫遊客入鄉要隨俗。

日本富士電視台《とくダネ！》節目播出有關日本人食拉麵發出聲音的片段。

調查不少外國人覺得「雪雪」聲儀態似豬、唔想坐喺呢班人隔籬、沒有禮貌的表現云云，電視台就將呢種「雪雪」聲的騷擾稱為「ヌーハラ」。

嘲笑正好觸動日本人的神經，認為日本文化食拉麵食到「雪雪」聲，這種吸啜麵條的食法先可以索盡湯汁，食到有聲先係代表碗麵好食，屬尊重拉麵師傅之舉。不少日本網民認為有文化差異不奇，但到外地旅遊要入鄉隨俗，尊重別人的文化先係正確的旅遊態度，如果唔鍾意咪唔好去食拉麵！

Tags :