港男怒斥港人遊日極丟架
日前有網民於Facebook群組「疫後旅遊俱樂部」發文，分享他疫後開關到日本旅行的所見所聞。一開頭他就戴定頭盔，指出並不是針對所有香港人「純粹發洩，個人意見，請勿對號入座。不喜別插」。他指明白在日本開關及香港放寬入境檢疫政策後，大批香港人都即時買機票到日本旅行，但他直斥「返鄉下」的香港人：
唔該可唔可以唔好當自己係西洋菜南街咁？
麻煩遵守吓當地規矩。俾啲禮貌。你去旅行唔係大晒！
港人於大眾浴池浸溫泉時大聲聊天＋玩手機
首先，因為現時疫情雖受控但仍有傳播風險，而且浸溫泉時無法戴口罩，所以日本人在浸溫泉時會盡量保持安靜不交談，一起「默浴」降低感染風險，他特地提到浸溫泉時，不少香港人都會在浸溫泉時大聲交談，直斥浸溫泉的香港人「唔該收下把口」。其次，溫泉及大浴場其實有規定不可攜帶手機入內，但他卻發現有港人無視規定之餘，更有其他使用者裸體時在浴場內使用手機，「唔該你你唔好拎出嚟喺其他人都無著衫個陣玩」。
生人霸死地式打卡 日本人都睇唔過眼
第三，不少熱門打卡點都需要排隊拍照，她指出一行幾位香港人「生人霸死地」般不斷換人影相，影足10幾分鐘。行為令日本人都睇唔過眼，直接選擇攝鏡阻礙一行港人拍攝，但被攝鏡的港人竟然以廣東話叫日本人「行開啲啦！見唔到影緊㗎？」目擊整個過程的他也忍不住用廣東話直斥他們的行為，不過「面皮厚過地殻」的一行人扮聽唔到繼續打卡拍照，行徑令人咋舌。
寄語港人：唔好搞到日本人唔鍾意我哋
最後他也寄語香港人：
唔該大家喺外地見到啲違反當地規則嘅香港人，
麻煩提一提醒佢哋，唔好影衰香港人。
人哋日本係唔鍾意大陸人，並唔係唔鍾意香港人，
所以唔好搞到人哋都唔鍾意我哋。
網民：玩少陣會死？
港男的帖文引來不少網民熱議，部分網民怒斥在浴場內玩手機的港人行為十分肉酸：「連浸溫泉都要拎電話，咁日理萬機就唔好去旅行啦」、「泡溫泉真的不應該帶手機入內，玩少陣唔會死㗎」、「咁想玩電話BOOK私人風呂房啦！」
港人被揭偷雞搶日本人指定席坐位
另外亦有網民分享港人遊日時的無禮行為：
我見過一家四口拎住自由席票坐指定席，
仲一坐低就開餐，佢個位係個日本人嘅，最後臨開車被人請離開。
狼狽地拎住啲嘢食去返自由席車廂，個陣都坐滿哂啦，
個女人仲要一路爆粗一路行返去自由席車廂，文明何在？
真係好羞家！
有人就為這家人辯解，「可能佢哋唔明白自由席同指定席嘅分別，見票價平啲就買自由席」。不過這位網民就反駁到：「佢哋係知㗎，因為個女人一路罵緊佢老公諗埋啲屎橋！」
