日本直送 | 迪士尼4款怪獸面膜實測

繼小丸子面膜爆紅後，有同事最近在涉谷Disney Store發現有得賣《怪獸公司》面膜，仲買咗幾塊畀dry爆記者試敷！為咗畀大家睇到真實效果，我哋決定豁出去影埋寫真！今次編輯部仝人變身毛毛、小熊維尼、大眼仔Mike同Baymax，真相請睇圖，似唔似先？記者就覺得藍色毛毛似阿凡達多啲，瘦版維尼熊又成隻邪惡小丑咁，笑爆嘴！講返塊膜，面膜質感水潤，補水效果唔錯，每款有唔同香味，每塊售¥432/ HK$29，價錢少貴但買來影相呃like都幾過癮嘅。