不少人去旅行時都不忘買手信予親朋戚友,分享去旅行的喜悅。不過日前一名打工仔的同事旅行後派日本手信,他拎完後竟被要求回水,荒唐經歷令他極為錯愕!

同事旅行後派手信 拎完竟開口收錢

日前一名網民於香港討論區發文,分享關於手信的荒唐經歷。他的同事最近去日本旅行時買了幾盒餅當做手信,並讓同事們自行選擇。揀完手信的事主便與同事寒暄了幾句,「好唔好玩呀?」、「去日本有冇睇到雪」之類。但在聊天時他發現同事不斷盯著自己手上的香蕉蛋糕(Tokyo Banana),突然就對他說:「香蕉蛋糕就5蚊,其他餅就幾多幾多錢」。

日本手信 收錢 但在聊天時他發現同事不斷盯著自己手上的香蕉蛋糕Tokyo Banana),突然就對他說:「香蕉蛋糕就5蚊,其他餅就幾多幾多錢」。
但在聊天時他發現同事不斷盯著自己手上的香蕉蛋糕(Tokyo Banana),突然就對他說:「香蕉蛋糕就5蚊,其他餅就幾多幾多錢」。(圖片來源:Tokyo Banana官網圖片)

聽到如此荒唐的話語,「我聽完真係打咗個突」,心中忍不住吐槽一番:「買手信返嚟唔係請人食㗎咩?咁樣叫同事揀完仲要收返錢?」他續指,雖然知道旅行買手信並不是「老奉」買手信請大家食,就算無買也完全無問題,但真的從來沒有聽聞過派手信後問人收錢的行為。

日本手信 收錢 事主「我聽完真係打咗個突,買手信返嚟唔係請人食㗎咩?咁樣叫同事揀完仲要收返錢?」示意圖,非當事人)
事主「我聽完真係打咗個突,買手信返嚟唔係請人食㗎咩?咁樣叫同事揀完仲要收返錢?」(示意圖,非當事人)(圖片來源:YouTube@Cassy Athena影片截圖)

網民恥笑:咁癲幾蚊都收得出!

事主同事的「賣手信」行為引起網民們的熱烈討論,不少人都指出「叫人買唔係手信,係代購」,同事的行為實屬「大癲嘅千古奇聞」:「無錢就唔好扮闊佬買手信畀同事啦! 如果同事食完手信冇畀錢,咁佢會唔會去報警?!」、「講真,呢條香蕉蛋糕香港都有得買啦,邊估到呢啲心意都要收錢,五蚊照畀佢,一條香蕉糕睇清楚呢個係乜嘢人值得呀!」

日本手信 收錢 劇照,非當事人
網民:「無錢就唔好扮闊佬買手信畀同事啦! 如果同事食完手信冇畀錢,咁佢會唔會去報警?!」(劇照,非當事人)(圖片來源:電影《回魂夜》截圖)

疑是事主一廂情願

同時亦有網民指出同事似是無明確提出是「派手信」,一切是事主的一廂情願:「佢無講過係派手信,係你地自己揀完畀錢,好似士多咁!」就這個猜測,事主則回覆「開頭佢係話:我買咗手信返嚟呀,你哋揀!咁我覺得佢係請都好正常!」所以該同事的確是以手信之名向其他人收錢。

日本手信 收錢 有網民指出同事似是無明確提出是「派手信」,一切是事主的一廂情願:「佢無講過係派手信,係你地自己揀完畀錢,好似士多咁!」
有網民指出同事似是無明確提出是「派手信」,一切是事主的一廂情願:「佢無講過係派手信,係你地自己揀完畀錢,好似士多咁!」(圖片來源:ViuTV《IT狗》截圖)

圖片來源:Tokyo Banana官網圖片、YouTube@Cassy Athena影片截圖、電影《回魂夜》截圖、ViuTV《IT狗》截圖