國泰員工家屬力批機組人員搵藉口唔upgrade
有名相信為國泰員工家屬的港媽向Facebook專頁「CX Secret」投稿，指當日她與老公及7歲仔仔一家三口，趁聖誕節乘國泰航空到外地旅行，卻態度惡劣的機組人員和地勤無理對待，令她感到十分氣憤。事緣當時丈夫以員工身份用職員機票作登記 ，後來獲地勤人員告知其中一位成人可以免費升級至商務艙座位，港媽雖然答應卻心有不甘地指：「Business有53個位，係大把位剩，佢搵藉口話我哋個仔7歲，死都唔肯up晒三個。」
一家三口同坐同一商務位：根本冇阻到人！
上機後港媽獨自坐商務座位，而老公與仔仔則坐經濟艙座位。港媽眼見空姐派完餐，便叫家人到商務艙，3人同坐一個商務座位，更大言不慚地指「根本冇阻到人！」空姐見狀當然是好聲好氣地叫2人回到原本的經濟艙座位上，但就被港媽批評到「做法不近人情」：「對staff衰都算，對客一樣咁衰！」
用事例力證空姐不近人情
為了向大家證明空姐不近人情的惡劣行徑，港媽再表示準備降落時，同機上的一位韓國爸爸欲手抱4歲仔仔同坐，卻被空姐阻止，指出根據指引，超過3歲的小童都需要自己坐，男孩因為獨坐而嚎淘大哭，令該對韓籍夫婦極為不滿。
目擊整件事經過的港媽就大鬧：「我個仔得7歲，成3個鐘飛機，都唔畀佢上嚟揾媽咪。個客想抱住個4歲BB降落，又唔肯俾安全帶人抱住。」她遂指機上只有一名「大家姐（即航班服務經理）」態度較為良好，最後「大家姐」都破例為韓籍夫婦提供兒童安全帶。在落機後該對韓籍夫婦不斷向地勤反映要投訴商務艙空姐，「不停聽到name！name！name！」，港媽想為他們做證人，後因丈夫力勸才作罷。
我肯定呢班business嘅crew全部都係嫁唔出嘅剩女，自己冇仔女。
圍爐取暖失敗 網民一面倒鬧爆：你當歡樂滿東華咁人疊人？
原以為投稿可以圍爐取暖的港媽，反被網民鬧爆！網民一面倒地力斥她的態度與行為極為蠻不講理：「其實呢，你不如check好公司policy 」、「第一次用公司福利？」、「一個位坐3個人，個個J class客都咁做，分分鐘多人過經濟艙」、「crews都係公事公辦，就算真客都係咁」、「你當歡樂滿東華咁人疊人咩？3個人迫落1個位」、「你下次坐私人飛機喇」。
港媽道歉：希望老公唔好再嬲我……
被網民合力炮轟的她後來再次私下聯絡「CX Secret」表示希望刪post，並表示自己知道錯了，向老公與老公一眾國泰同事致歉：
我老公收到啲同事forward俾佢睇。佢嬲嬲哋我，淨係同個仔玩。佢話我上到機已經好好，同埋機上好多嘢我哋未必知道。我真係以為FOC confirm就唔駛等，又唔知我個仔未坐得business，同老公啲同事講聲唔好意思。
同埋希望老公你唔好再嬲我。
「CX Secret」公開港媽的道歉後再次被一眾網民恥笑一番：「呢個post主打都係唔想佢老公嬲佢咋嘛 !」、「老公又係嘅，員工機票守則有無俾過老婆？員工機票三大守則：上到機要感恩、低調、安份守己」、「老公呀，你千祈唔好同你老婆離婚呀！原諒佢。離婚就會放佢出嚟害人㗎 #你為香港男人們做咗件好事」、「可以一家三口迫去個business seat，個老公都唔荒好嘢。正常男人唔會去business迫囉！」
事件經過是？
有名相信為國泰員工家屬的港媽向Facebook專頁「CX Secret」投稿，指當日一家三口到外地旅行，丈夫以員工身份用職員機票作登記，而其中一位成人可以免費升級至商務艙座位，港媽雖然…詳情請看
事主向國泰同事致歉？
事主出PO之後被網民合力炮轟，後來再次私下聯絡「CX Secret」表示希望…詳情請看