去旅行莫過於係辛苦工作最大嘅推動力，但可惜歡樂時光總係過得特別快，都未係時候講bye-bye已經玩完搭飛機返到嚟。
當然，你一定唔想咁快聞到呢陣味……但轉個頭你已經拖住行李過關，轉個頭就投入香港市區嘅懷抱。
「列車即將到達，請先讓乘客落車，多謝合作。」
＃嗯＃係熟悉嘅味道。
一回港就想再出發！可惜⋯⋯
嗰種難離難捨嘅感覺，相信唔使我多講，大家都一定明白。
回望旅行時每日吃喝玩樂，快樂嘅時光都衝擊緊每個感官細胞，無論係身邊嘅旅伴，定係當地品嘗過嘅每種味道，呢份記憶真係冇辦法唔深刻。
即使呢刻好想再出發，但深知現實世界根本唔會畀你咁做，所以就惟有用其他「感覺」呃下自己，例如曾經品嘗過嘅味道！
在港尋回那「旅遊的味道」
除咗有時loop番Ig啲旅行相之外，如果經過一啲店舖，我仲會用「味覺」繼續去欺騙自己。
「不如等陣去食魯肉飯吖？」（即興mode。）
「咁突然？又話食日本嘢嘅？」
「係呀，突然好掛住台灣嘅味道。」
雖然話就話想食番台灣嘅味道，但香港始終好難完全畀到呢種感覺你，
其實真係勉強頂住先（你懂的）。
食飽飯，走到街頭散散步，幻想緊自己好似喺夜市一樣
「咦！前面有間天仁茗茶喎！」
「喂～整番杯珍珠奶茶先啦！」
「你條友……今日真係台灣之夜喎！」
其實幻想到自己咁樣去旅行……都真係幾黐線……
不過慶幸嘅係仲有班朋友仔陪你癲、陪你FF到世界盡頭#直到永遠阿門！
或者，呢個可能係冇得去旅行之中其中一個最大嘅欣慰:)
Tags :
旅遊態度