搭飛機總是會幻想一下被地勤upgrade,不過事實被upgrade機會真是要「睇運」,而坊間更流傳不少「搏upgrade」方法。一名持有國泰航空Marco Polo會員資格的網民早前就發文,抱怨國泰在商務艙有多個空位情況下也不安排會員升級,批評「好浪費」。而他欲圍爐的言論一出,即時就被大批網民怒斥他貪小便宜不成反公審航空公司!
港男撻綠卡朵狠批國泰唔upgrade好垃圾
早前一名網民於一個Facebook群組內發文,甫開頭就狠批國泰「真係好垃圾」。他指自己當日乘搭從台北返回香港的國泰航班,在買機票時他所購買的是經濟艙座位。 而在上機時他卻見到商務艙「勁多空位」,不過就算是地勤抑或是空姐們都沒有為任何人upgrade,他就在文內晒出自己的國泰航空馬可孛羅會(Marco Polo)綠卡身份,並用頗為不滿的口氣指出:
都唔upgrade吓會員坐,好浪費!
利申:有Marco Polo綠卡
網民集體恥笑:我金卡都未出聲,綠卡躝開啲啦!
原以為可以圍爐取暖的他,卻被一眾網民集體恥笑!有人表示事主表面是想批評航空公司安排,實際是「公告天下」貪小便宜失敗「又要小貪便宜又要威,仲要取暖」、「如果坐商務見到你,國泰先叫垃圾」。
【綠卡係人都申請得啦!】「CX 綠咭,有人形,有手有腳已申請到㗎喎!咪玩啦師傅!」
【我金卡都未出聲啦!】「X那星,綠卡仲夠膽學人呱呱嘈!我做咗8年金卡都冇得要人一定upgrade俾我啦,發神經!」
圖片來源:Facebook@Cathay Pacific 國泰航空