女神嘉盈被連登仔狂數4宗罪
近年成為不少宅男們心中的女神的嘉盈kaying，經常係討論區熱討的對象。近日連登討論區發起一個討論，問網民認為嘉盈正唔正，而結果亦大比數地覺得喺唔同方面都麻麻哋，仲力數4宗罪！
1.「覺得嘉盈成日無文化但又扮有」
網民指雖然嘉盈成日喺唔少影片、訪問等否認自己係才女，但都俾人感覺經常將呢啲嘢掛喺咀邊。
2.「MK爛口當真性情」
嘉盈成日爆粗就人人皆知，好多人都讚嘉盈呢樣嘢係真性情不做作，但似乎唔係個個咁覺得。
3.「以為自己轉數快」
成日覺得自己有小聰明轉數快，事實俾人感覺係叻唔切衝出嚟。
4. 原來勁多人以為嘉盈30＋？！
除咗第4點「20幾歲你話佢30歲我都信」獲得唔少網民認同之外，好多網民都唔知原來嘉盈年齡，以為佢已經30歲以上「早排話佢23歲，我超震驚，一直以為佢32+」「原來佢未過30」仲有網民覺得「本身都幾like佢，直到覺得佢愈來愈假，又話自己唔靠性感賺錢」「係咁話自己勤力、夠真，好煩」「不斷靠語言去塑造自己形象，最失敗嘅方法」「唔知點解個樣殘得勁快，用普通女仔標準咪算ok囉，用幕前嚟做標準咪差啲囉，身材嚟睇佢依家瘦得好核突，好似係完全唔做運動嗰隻，無線條 一啲都唔firm，能力方面有啲小聰明轉數快，其他人講咩佢都即刻接到好啱做直播，講港產片嗰啲佢熟悉嘅領域就ok，但係其他佢唔熟識嘅嘢 佢都硬接識放唔識收，反而顯露自己知識量不足 有啲叻唔切嘅感覺」「最膠係成日提倡支持港產片，但全部影出黎嘅都係睇老翻，唔係UTUBE就線上看」 「一啲都唔好笑，好x煩，把口勁x嘈」「咩夠真，似係冇乜修養冇乜氣質嘅人用嚟掩飾」「其實真係唔係樣唔樣嘅問題，但係佢把聲真係好L煩囉」
網民：連登仔最鍾意眼紅人、眼角太高
不過有網民力撐嘉盈，認為連登仔最鍾意眼紅人、眼角太高，嘉盈真係算係高質港女，而且性格都算好好夠晒青春活潑開朗，同埋就算嘉盈未去到好靚女但都一定唔差「好心連登仔唔好成日眼紅其他人啦」「講真香港KOL個標準本身都唔高，尤其是女KOL 佢算係咁啦」「公道講句，如果一間公司有呢個樣嘅女，佢應該都係最top」「有得x，咪又係x」「現實嚟講，呢個樣+呢個身材，排隊追佢嘅條龍長過彌敦道啦」「覺得佢似林依晨」「佢算係咁啦，揾到錢買新電腦俾細佬先，對身邊人好過對自己」
