漢堡包最好玩的地方就是可塑性高,你想到的配料、醬汁、造型,敢試就可以做到,配搭千變萬化。不過以下 8 款騎呢 漢堡 ,有啲搞笑、有啲無聊、有啲恐怖,有啲貼心,但相信唔係人人都接受得到,你又有冇興趣試呢?

01 | 凸字漢堡包

南非有漢堡將芝麻變成凸字,視障人士一摸即知食緊咩漢堡包,貼心!

02 | 玫瑰芝士漢堡

強國出品的粉紅色玫瑰芝士漢堡,「娘味」極濃!但網民話無玫瑰味,玫瑰碎仲好似黑頭!

03 | 密集煙肉漢堡

夾了千多塊煙肉的漢堡,除了致癌,密集恐懼症人士表示,好似蜈蚣囉!

04 | 「冬牛」漢堡

將冬甩同牛角包(Croissant)結合的Cronut變成漢堡包底,甜甜地又有牛油香,配漢堡扒應該夾喎。

05 | 意粉堡

飯堡都食得多,意粉堡見過未?其實頗像茶餐廳炸麵餅。

06 | 英文字母漢堡

英文字母漢堡,入面夾了A – Z代表的材料,無聊得來又有創意。

07 | 紫色漢堡

用紫椰菜做的紫色漢堡雖然幾迷人,但個感覺實在太似中毒。

08 | 炸青蛙漢堡

日本人設計的原隻炸青蛙漢堡,這雙有彈力有線條的酥炸美腳,你敢挑戰嗎?