有無諗過可以一啖食哂成個「地球」？在日本橫濱的Orbi Yokohama 大自然超體感博物館，推出咗一個又藍又綠的漢堡包Blue Burger「地球漢堡」！呢款獨特的漢堡其實餡料就無乜特別，但上下兩層的麵包就被染成大海的藍色，再以綠色點綴為陸地，售價為470日圓，想試下扮怪獸一啖吞哂整個地球就唔可以錯過啦！
除了挑戰「地球漢堡」之外，哩個博物館都係一個非常值得去的地方！ 一入場就會見到巨型銀幕浮現同實物尺寸1:1大細的動物剪影，影出嚟啲相好似真係去左大自然親親動物咁！仲有4D感觀效果，去到冰解凍的場景，會噴射水霧，等你好似真係置身於其景一樣！
Orbi Yokohama 大自然超體感博物館仲有一個「探險營」廣場，有12種展覽，通過立體投影展示火山、瀑布、變色龍等景象並且仲會以體感為賣點，即係佢介紹全世界最大的蜥蝪果陣會加埋噴水、氣味、接觸裝置等等互相配合，比觀眾可以有個4D感受，好似真係見到隻蜥蝪咁！