廉航 行李 托運費
廉價航空同傳統航空公司嘅最大分別，就係將不同服務分拆收費。機票（尤其特價機票）好多時候並唔包括行李寄艙，需要額外付費。各間公司的行李寄艙價格有很大出入，在機票價格相若的情況下，不妨考慮選擇行李費較平的航空公司。
| 航空公司／行李重量 | 15kg | 20kg | 25kg | 30kg |
| 亞洲航空 AirAsia | – | $150 | $200 | $260 |
| 香港快運 HK Express |
– | $260 | $360 | $365 |
| 捷星航空 JetStar | $130 -$165 | $145 -$190 | $185 – $220 | $240 – $255 |
| 虎航 Tigerair | – | $150 | $200 | $250 |
| 酷航 Scoot | – | $150 | $200 | $250 |
| 樂桃航空 Peach Aviation | – | $280 / 件 | – | – |
| 香草航空 Vanilla Air | – | $305 | $381 | $457 |
| 濟州航空 Jeju Air | $200 / 件 | – | – | – |
| 真航空 Jin Air | 免費 | – | – | – |
| 易斯達航空 Eastar Jet |
免費 | – | – | – |
| 釜山航空 Air Busan | 免費 | 免費 | – | – |
（注意：預訂機票時需一併購買行李限額，方可享有上述嘅價格。如果預訂機票之後再添加托運行李，費用可能會較高。）
日本航線
香港有好幾間廉航都飛東京（香港快運、捷星航空、香草航空）同大阪（香港快運、捷星航空、樂桃航空）。無論東京定大阪，捷星航空嘅行李費都比較平，托運20kg行李，每程只需$190。
韓國航線
飛首爾嘅廉價航空包括香港快運、濟州航空、真航空及易斯達航空。香港快運及濟州航空行李費相若，而 真航空同易斯達航空包咗15kg免費行李，不過出發時間唔係咁靚，班次選擇較少。
而飛釜山嘅廉航則有釜山航空同香港快運，如果價錢差唔多，當然係揀有20kg免費行李嘅釜山航空啦！
新加坡航線
虎航、酷航及捷星航空都有飛新加坡，而呢3間廉航嘅行李費差距不大，20kg行李每程約$150。
泰國航線
香港快運同亞洲航空都有營運布吉同清邁航線。相較之下，亞洲航空嘅行李費比香港快運平咗$110（以20kg計）。
免費手提行李規定
航空公司允許乘客攜帶一定重量嘅手提行李上機，毋須另外收費，重量上限為7kg至10kg不等。雖然航空公司未必會嚴格檢查乘客的手提行李重量，但行李尺寸同件數卻不能超過限制，否則會被要求將行李寄艙。
| 航空公司 | 重量限制 | 件數 | 尺寸限制 |
| 亞洲航空 Air Asia | 7kg | 1件行李 + 1件手袋／電腦袋 | 56cm x 23cm x 36cm |
| 香港快運 HK Express | 7kg | 1件行李 + 1件隨身物品 | 56cm x 23cm x 36cm |
| 捷星航空 JetStar | 7kg | 2件 （1大1小） | 56cm x 23cm x 36cm |
| 虎航 Tigerair | 10kg | 2件 | 54cm x 38cm x 23cm |
| 酷航 Scoot | 10kg | 1件行李 + 1件手袋 / 電腦袋 | 54cm x 38cm x 23cm |
| 樂桃航空 Peach Aviation | 10kg | 1件行李 + 1件隨身物品 | 55cm×40cm×25cm |
| 香草航空 Vanilla Air | 10kg | 1件行李 + 1件隨身物品 | 54cm x 36cm x 23cm |
| 濟州航空 Jeju Air | 10kg | 1件 | 55cm×40cm×20cm |
| 真航空 Jin Air | 12kg | 1件行李 + 1件隨身物品 | 長、寬、高度不超越115cm |
| 易斯達航空 Eastar Jet | 7kg | 1件行李 + 隨身物品 | 56cm x 23cm x 36cm |
| 釜山航空 Air Busan | 10kg | 1件 | 55cm×40cm×20cm |
（溫馨提示：計劃外遊，當然就要買番份旅遊保險啦！即上MoneyHero.com.hk比較平台選擇及購買，有Allied World、FWD同MSIG等不同計劃畀你揀，經我哋買仲有優惠添！或可即按此，了解更多不同保險公司的旅遊保險產品。）
——
延伸閱讀：【旅遊攻略】出外旅遊7大 防盜 措施
延伸閱讀：颱風 暴雨 班機延誤 ，旅遊保險有得賠？
想知道最新嘅理財貼士，就要留意 MoneyHero.com.hk blog！同埋緊貼我哋嘅 facebook page！