【旅遊教室】泰國飲冰肚痛元兇目錄
回到目錄
1. 高危「生水碎冰」：分分鐘用嚟冰鎮海鮮！
泰國街邊有一種碎冰（น้ำแข็งบด），通常係由一大舊長方形冰磚，由檔主用工具即場敲碎而成。呢種冰磚嘅問題在於，你唔會知道佢係用咩水質製成，有機會只係未經過濾嘅自來水。更重要嘅係，呢啲大冰磚喺運輸過程中有機會直接喺地下拖行，衛生情況堪憂！其實呢種冰主要用途係冰鎮海鮮、飲品等，並唔係預計俾你直接食用。假設你喺水上市場或者比較地道嘅小店，見到檔主用錘仔鑿開一大舊冰再加入你杯嘢飲，咁就要打醒十二分精神，避之則吉啦！
回到目錄
2. 安心「中空圓冰」：7-11都用佢！
另一種就係安全得多嘅「飲用冰」（น้ำแข็งหลอด），亦係泰國最常見嘅食用冰。佢嘅最大特徵就係呈中空嘅圓管狀。呢種冰由合規格嘅工廠用已過濾嘅食水生產，過程受嚴格監管，所以非常乾淨衛生。泰國大部分餐廳、連鎖便利店（好似7-11）同大部分夜市檔主，都會由印有泰國FDA（อย.）標誌嘅大膠袋度倒出呢種冰粒。好似大家常去嘅Jodd Fairs夜市，買果汁冰沙時不妨留意下，如果見到檔主用緊呢種「中空冰」，基本上就可以放心飲用。
所以下次喺泰國買凍飲，唔好心急一啖飲晒，不妨花多兩秒望下杯中嘅冰塊係邊種類型。做個精明嘅「食冰家」，就可以大大減低腸胃不適嘅風險，真正享受泰國嘅美食同陽光！
回到目錄
泰國所有街邊飲品的冰塊都不能吃嗎？
不是所有冰塊都有問題。關鍵在於分辨冰塊的種類。由正規工廠生產、中間呈中空的「飲用冰」通常是安全的；而由大冰塊敲碎、來源不明的「工業用碎冰」則風險較高，主要用於冰鎮食物，應避免食用。
如何分辨安全的「飲用冰」？
最簡單的方法是觀察冰塊形狀。安全的飲用冰通常是中空的管狀或圓柱體。另外，可以留意店舖是否使用印有泰國食品藥物管理局（FDA）標誌（泰文縮寫為 อย.）的包裝冰塊，這代表其生產過程受監管，飲用會更安心。
除了冰塊，在泰國喝東西還有什麼要注意？
建議盡量飲用瓶裝水或知名連鎖店的飲品。如果腸胃比較敏感，即使是安全的冰塊也應淺嚐即止。另外，避免飲用已預先裝好、放置過久的果汁或飲品，選擇即叫即製的會比較新鮮衛生。
