【旅遊教室】機場安檢除鞋超尷尬目錄
回到目錄
1. 為何要除鞋？源於一宗真實恐襲陰謀
大家可能會覺得除鞋安檢好麻煩，但其實呢個規矩背後，係為咗應對一宗險些發生嘅空中災難。時間要追溯到2001年，喺911恐襲後冇幾耐，一個叫理查·里德（Richard Reid）嘅恐怖分子，喺一班由巴黎飛往邁阿密嘅航班上，試圖引爆藏喺佢鞋底嘅炸藥。幸好佢嘅劣行被機組人員同乘客及時制止，先冇釀成慘劇。自此之後，美國運輸安全管理局（TSA）就率先實施嚴格嘅脫鞋安檢規定，以防範有人利用鞋履收藏武器或爆炸品，保障所有乘客嘅安全。
回到目錄
2. 哪些國家/機場要除鞋？
雖然「除鞋安檢」源於美國，但並唔係全球通用嘅標準。在2025年7月前，美國係執行得最徹底嘅國家，幾乎所有機場都會要求旅客除鞋。除此以外，英國、加拿大等國家嘅機場亦有機會要求除鞋檢查。至於港人熱門旅遊地日本，雖然大部分情況下唔需要，但喺部分主要國際機場，或者當日保安級別提升時，都可能會被要求除鞋。所以，都最好有定心理準備。
3. 點樣避免除鞋尷尬？揀啱鞋款是關鍵！
想輕鬆過關，避免喺安檢時手忙腳亂？最直接嘅方法就係喺出發當日揀啱鞋款！安檢X光機掃描時，結構複雜、鞋底太厚或者含有金屬嘅鞋，都好容易觸發警報。例如型格十足嘅長靴、馬丁靴（Dr. Martens）、厚底鞋、登山靴，甚至係鞋內有金屬足弓支撐嘅鞋款，都係被要求「重點招呼」嘅高危目標。試想像下，當你著住對綁帶長靴，後面排緊長龍，你喺度狼狽地解鞋帶，場面都咪話唔尷尬！因此，出遊當日最好選擇設計簡單、方便穿脫嘅鞋，例如懶人鞋（Slip-on）、平底鞋、普通波鞋等，就可以大大減低被要求除鞋嘅機會，又可以慳返唔少時間！
講到底，機場嘅種種規矩都係以安全為大前提。只要我哋出發前喺穿搭上花少少心思，揀對方便又舒適嘅鞋，就可以避免不必要嘅麻煩，以最瀟灑嘅姿態展開愉快旅程啦！
回到目錄
是不是所有國家的機場過安檢都要除鞋？
不是。這項規定主要在美國嚴格執行，其他國家如英國、加拿大及部分日本機場也可能要求。建議穿著容易穿脫的鞋履，以備不時之需。
為什麼過安檢要除鞋？
這項規定源於2001年的一宗恐怖襲擊未遂事件。當時一名叫理查·里德（Richard Reid）的恐怖分子試圖引爆藏在鞋裡的炸藥，此後美國運輸安全管理局（TSA）便開始實施脫鞋安檢，以防範類似威脅。
穿什麼鞋最容易被要求脫下檢查？
通常結構複雜、鞋底太厚或含有金屬部件的鞋子都較大機會被要求脫下，例如靴子（尤其是長靴或登山靴）、厚底鞋、有金屬裝飾或鋼頭的鞋款。
