林奕匡赴韓取經 到訪演藝高中拉筋出醜尷尬
韓國流行文化席捲全球，原來當地連中學教育都將「造星」做到極致！Phil親身走訪大名鼎鼎的「首爾公演藝術高等學校」（SOPA），這間政府認可的演藝高中名人輩出，BTS的柾國、Stray Kids的鉉辰、aespa的Karina全都是該校畢業生。Phil膽粗粗走入爵士舞課堂與學生一起拉筋，他笑言自己的筋「比預期中更加硬」，連地板都摸不到，結果要導師幫忙，搞笑又尷尬：「你估我唔想掂到地下咩！我掂唔到吖嘛！」Phil大讚氣氛極佳：「其實上堂嘅氣氛係好friendly，佢哋好supportive，知道我應該唔係好叻嘅人啦，但佢哋好鼓勵囉！」
林奕匡演唱《安徒生的錯》 震驚中學生達達人級水準
其後Phil參觀音樂課，他即席演唱《安徒生的錯》，學生們則為他伴奏，展現出超齡的專業水準，令本身是音樂人的Phil大為震驚：「其實我真係有啲surprise，因為佢哋真係好專業。我隱約聽到佢哋有玩Jazz Improvisation，哇，呢個水準唔係平時啲High School做得到囉，真係Very high level！」看到十多歲的年輕人已為夢想接受系統化訓練，令已為人父的Phil大有啟發：「如果大家都可能做唔同行業嘅時候，咁點解要讀埋同一樣嘢呢？喺呢個時候開始要prepare for未來嘅事情㗎嘛。」他認為發掘小朋友的個人特點，比盲目死讀書更為重要。
連詩雅見識新加坡精英教育 靠音樂考名校
另一邊廂，新手媽媽Shiga就飛到新加坡，探討當地的精英教育。在新加坡，音樂不僅是興趣，只要孩子有獨當一面的音樂成績，隨時成為考入名校的入場券（DSA計劃）。Shiga旁聽了16歲音樂高材生Megan的聲樂課，對師生間的互動大開眼界：「個感覺不單止好像一個老師同學生咁，其實反而是在一齊『狂』一件事情出來，是大家都有input，互相去造一件事情出來，而不是老師講，學生就咁照著做。」Megan雖然年紀輕輕，但思想成熟，夢想是同時成為醫生和音樂劇演員，令Shiga不禁大讚：「睇落點睇都不似16歲，說話好成熟，好有條理！」
陳凱琳體驗德國極致小班教學：想偷懶都唔得！
至於育有三子的Grace，則去到德國見識當地的中學教育。最令她驚訝的是當地的「極致小班教學」，一班歷史課竟然只有兩名學生！Grace笑言這種教學模式有辣有唔辣：「小班教學就梗係唔使多講啦，但係小成咁，都真係我未見過囉！好處當然係好似一對一對住老師，好似private class咁，有咩問題可以即時問；但係唔好處呢，就係如果啱啱講開一個話題你唔鍾意呢，其實想偷懶都唔得呀！」不過她非常欣賞這種鼓勵發問和討論的教育方式，認為能讓學生真正吸收知識，培養獨立思考。三位星級爸媽這次跳出香港，見識了世界各地的教育模式，相信對他們未來如何培育星二代，絕對有不少啟發！
節目播出後大批網民熱議林奕匡首爾取經之旅
《孩子，你怎樣長大？》節目播出後隨即在各大社交平台掀起熱烈討論，焦點全數落在韓國極致中學教育制度之上。大批觀眾紛紛留言直指「完全估唔到一間中學可以做到咁專業」、「難怪韓國演藝圈可以紅遍全球」，對於學生們展現出精湛術科實力感到不可思議。同時亦有不少網民將注意力放在主持人身上，笑言「睇見林奕匡拉筋真係覺得好痛」、「佢企喺班後生仔隔籬居然無違和感」！
