MIRROR演唱會意外｜行內人斥舞台設計超錯兼忽略Dancer：機關無可能咁多

MIRROR演唱會取消｜門票退票安排BABY MIRROR Pop-up Store取消

MIRROR演唱會大螢幕壓倒Dancer　業內人士：Dancer喺香港一直都無被尊重

Mirror演唱會出現Dancer受傷事件，再度令人關注表演者的安全問題，身為舞蹈界一員的業內人士受訪時表示香港是最不尊重舞蹈表演者的地方，「講得難聽啲，香港Dancer畀人當係地底蟲」。演唱會彩排時，一眾參與表演的Dancer齊齊發聲，指製作單位「垃圾」，不重視表演者的安危，加上今次事件，業內人士指再一次證明Dancer是被忽視的一群。「Dancer喺參與演唱會表演時，主辦單位都只會睇錢做人，唔會認為跳舞係一種專業，從佢哋定嘅價錢就知從來無尊重過舞蹈表演。佢哋喺得Social Media一齊發聲，都估到製作單位幾咁唔重視佢哋。」更指，在台灣的藝人歌手會稱Dancer為「老師」，香港從來連「稱呼」也未必有，「郭富城、張敬軒佢哋就對Dancer好好，好尊重。」

業內人士：舞台設計及發出安全證書的公司都好有問題

網上不少傳言指主辦單位「慳錢慳到盡」，不停僱用散工及非主流外判公司，事前未開騷前已流言四起，粉絲都指會「一路睇一路驚」，希望主辦方「唔好賺到盡」，顧及安全最緊要。惟昨晚發生不幸事件，有指負責掛著大螢幕的威也「根本唔夠力」，業內人士受訪時亦表示絕對不能接受，所有「安全問題」在開騷前其實已顯而易見，「做慣做熟呢行嘅一睇就知有問題，不過唔知係咪為咗慳Budget，就變到咁」。他指負責舞台的公司及發出證書證明結構安全的威也公司都責無旁貸，「搞騷嘅時候屋宇署一定要主辦單位提供結構安全嘅證書，而今次大螢幕會跌落嚟好明顯係威也公司錯失，明眼人都知佢嘅承重不足，點會咁都發證書。」他指，即使是一連十日的表演，機關安全只需在第一天開騷前確認便可，正常情況下都不會每天進行檢查，明顯今次在開騷前已存有很大漏洞。

業內人士：舞台設計「超錯」

演唱會中，不難看到機關設計，不過受訪業內人士指「個設計錯晒」！演唱會開始前，不論12位成員或Dancer都只有2天「踩台」時間，就連郭富城也發言指2天時間不足準備如此大的表演，發生意外的風險相對地大。他指「一個台有12個人，再加十幾個Dancer，最少都要4日『踩台』，而家扣除準備嘅時間，基本上得1日半時間熟習環境，你再整咁多機關咪令到個危險度增加，根本無可能咁做。」

業內人士：監製及導演絕對有責任

另外，據業內人士所言，舉辦演唱會時主辦方一般把舞台、聲音、燈光等部分外判給專業公司，惟今次Mirror演唱會聘用的公司非「用開有保證嘅公司」，質素如何大家有眼目睹，「講到底都係Budget問題」。他指，監製及導演必須清楚整個場地的事宜，對於承重力都有一定的專業判斷，不會忽略這些問題。「基本上主辦方搵咗導演同監製之後，佢哋自己都會有用開嘅台、燈、聲公司，導演一定要清楚所有流程同場內所有事務，負責監察同編排，Concept一定要做足，但今次好明顯呢Part都無做好。」至於第三場換上花姐做監製，他則指在演唱會期間換監製的情況實為罕見，「監製通常都唔係落手做嗰個，導演先係。」

MIRROR演唱會意外震驚社會　業界憂慮審批難度增加

坊間亦有傳指繼今次事件後，會令不少人「驚咗睇騷」，不過業內人士指對於觀眾方面未必太大擔心，反而行內主辦演唱會的單位而出現憂慮。「一直以嚟搞騷都會跟足安全規例去申請場地同臨時娛樂牌照，今次發生前所未有咁大件事，相信政府方面都會更加嚴緊，多咗好多考慮，估計嚟緊要申請牌照嘅時間或者細節會多咗。」

MIRROR演唱會主辦單位大國文化及MakerVille發出最新聲明

對於昨晚（7月28日）發生的事故，令到兩名表現者受傷，我們感到非常難過。大會已主動聯絡公司內外所有有關單位進行徹底調查。調查方向包括事故發生原因及是否涉及人為疏忽。為能夠作出最全面的檢討，我們已安排與不同單位會面，包括公司內部和演唱會製作總承辦商藝能工程及其次承辦商，包括協興隆舞台工程及菱藝廣告製作等等。對於兩名表演者受傷，我們再次致以深切慰問及抱歉，並會盡力為他們及其家屬提供適切的支援。我們會於今日上午聯同政府相關部門，以及總承辦商及其次承辦商開會，以對今次事故起因作出徹查。若發現當中有可疑之處，或有任何人／單位涉及不當行為，我們會立刻報警處理。