I SWIM｜網民力數劇情7大bug位超崩壞！觀眾睇到極尷尬、師生戀超誇張

Q: 觀眾睇完《I SWIM》有咩評價？

觀眾睇完《I SWIM》力數7大bug位，其中一項是Edan呂爵安與吳海昕的師生戀，網民指劇情竟然... 詳情請看

Q: 哪位演員被讚擺脫「花瓶」形象 ？

Edan呂爵安首次挑戰認真性格的角色，事後在IG分享心情竟然遇上狠批，向來回應得體的Edan亦即時作出反應，至於... 詳情請看

ViuTV劇集《I SWIM》在日前（22日）已播映完畢，劇集找來Mirror成員Edan呂爵安、Stanley邱士縉、Alton，以及Jeffrey魏浚笙、Ansonbean、朱鑑然等人氣男神出演，加上兩大女神吳海昕、袁澧林，在第一個星期收視不俗，不過在第二星期的集數，因為大量奇怪Bug位，劇情暴走遭網民狠批離地，網民更笑言「仲膠過《大冬瓜》、《十兄弟》」、「第二星期就崩壞﹗」不過許多ViuTV的觀眾都是愛之深，責之切，為劇集盤點以下這7個bug位，希望電視台日後的劇集可以進步。

I SWIM｜大焦突向李馬榮派心心觀眾睇到尷尬

《I SWIM》一共10集，今周進入第二周，第6集( 18日）Miss翁（吳海昕飾）忽然失聯，連學校同焦Sir（楊偉倫飾）都搵佢唔到，擔心之下，與李馬榮（呂爵安飾）分別到Miss翁寓所附近四圍搵下落，卻見到Miss翁與一男伴齊齊返家並上樓，焦Sir同李馬榮頓成「同是天涯同落人」，又相擁又派心心突變奏演「大焦的愛」。呢集觀眾已經睇到好尷尬，原來「戲肉」在後。

I SWIM iswim 李馬榮同焦Sir忽然聯成一線對付「情敵」﹗ — 李馬榮同焦Sir忽然聯成一線對付「情敵」﹗（圖片來源：ViuTV《ISWIM》截圖）

I SWIM iswim 上演「大焦的愛」？﹗ — 上演「大焦的愛」？﹗（圖片來源：ViuTV《ISWIM》截圖）

I SWIM劇情bug位1. 友誼賽只請一間學校、冠中校長嘴臉超誇張

網民鬧爆bug何其多，力數5大膠位。第1個膠位，余浪沖（魏浚笙飾）、李馬榮（呂爵安飾）、班長（吳啟洋飾）及黃亞樂（邱士縉飾）組成最強校隊出戰冠中，然而對方敵意明顯，校隊感受到作客的壓力外，更要面對眾多不公待遇。啟賢到冠中作客被多番刁難，上至校長下至旁述的嘴臉及偏私行為都異常誇張﹗啟賢校長明明相當重視呢次作客賽，最後卻只派Miss翁拖四子比賽。網民睇到搲頭問：「友誼賽點解只請一間學校？」、「導演、編劇都唔做功課？Hea成咁﹗」

I SWIM iswim 更衣室不但臨時被霸，連出賽時間都一改再改﹗ — 更衣室不但臨時被霸，連出賽時間都一改再改﹗（圖片來源：ViuTV《ISWIM》截圖）

I SWIM iswim 啟賢泳手只能去又黑又亂的雜物房換衫兼當作休息室﹗ — 啟賢泳手只能去又黑又亂的雜物房換衫兼當作休息室﹗（圖片來源：ViuTV《ISWIM》截圖）

I SWIM iswim 冠中校長包庇又偏幫自己學生，一副嘴臉更衰到冇人有，堂堂一個Band 1校長竟然咁﹗ — 冠中校長包庇又偏幫自己學生，一副嘴臉更衰到冇人有，堂堂一個Band 1校長竟然咁﹗（圖片來源：ViuTV《ISWIM》截圖）

I SWIM劇情bug位2. 黃亞樂單腳游贏對手上水還能彈跳

黃亞樂（邱士縉飾）出賽前被冠中同學刻意撞傷倒地負傷上陣，在大落後下游最後一棒，最後以單腳高超技術反超前勝出。網民指：「Stanley呢招單腳游水膠過大台破冰轉身﹗」、「一直要人扶住行，忽然游得咁勁，上水彈上嚟嗰下都呃唔到人啦﹗」、「Stanley雖然喺呢一幕好正，不過劇情真心膠﹗」

I SWIM iswim 黃亞樂比賽前被冠中學生故意撞傷倒地﹗ — 黃亞樂比賽前被冠中學生故意撞傷倒地﹗（圖片來源：ViuTV《ISWIM》截圖）

I SWIM iswim 黃亞樂起身都要人扶住行﹗ — 黃亞樂起身都要人扶住行﹗（圖片來源：ViuTV《ISWIM》截圖）

I SWIM iswim 負傷上陣，左腳腫到豬蹄，單腳自由泳游贏對手﹗ — 負傷上陣，左腳腫到豬蹄，單腳自由泳游贏對手﹗（圖片來源：ViuTV《ISWIM》截圖）

I SWIM劇情bug位3. Band 1學生打人變《逃學威龍》

冠中不滿輸比賽，在後巷前後包抄、拎住「架生」截停啟賢泳手，著住校服兼當住Miss翁前打交﹗在混亂中本來兩手Fing Fing的Miss翁大叫跌咗銀包，余浪沖（魏浚笙飾）用散錢一招拖延被追打一度成功甩身﹗網民狠批以為睇緊周星馳：「仲膠過《大冬瓜》、《十兄弟》喎﹗」、「忽然變咗逃學威龍﹗」、「Band 1仔變黑社會打人﹗」、「唔係話Band 1仔唔打交，但當住Miss面前又唔摵走校章，真係奇人奇事﹗」、「點解有大街唔行走去行後巷，被追賭數嘅情境嚟喎﹗」等。

I SWIM iswim Miss翁同4泳手行後巷離開﹗ — Miss翁同4泳手行後巷離開﹗（圖片來源：ViuTV《ISWIM》截圖）

I SWIM iswim 被冠中學生拎住「架生」截停﹗ — 被冠中學生拎住「架生」截停﹗（圖片來源：ViuTV《ISWIM》截圖）

I SWIM iswim 余泳沖幫Miss翁執番個銀包，將裡面啲錢拋出來去拖延被追打，網民嘲好周星馳﹗ — 余泳沖幫Miss翁執番個銀包，將裡面啲錢拋出來去拖延被追打，網民嘲好周星馳﹗（圖片來源：ViuTV《ISWIM》截圖）

I SWIM iswim 報仇雪恨的冠中同學見錢即執，果然中咗余浪沖之計﹗ — 報仇雪恨的冠中同學見錢即執，果然中咗余浪沖之計﹗（圖片來源：ViuTV《ISWIM》截圖）

I SWIM劇情bug位4. 為學校打人超歪理

5人走咗入掘頭巷，咁啱施詠（袁澧林飾）路過，開鎖門才成功營救5人，施詠講原來帶頭打人的是其哥哥（林家熙飾），指哥哥唔係壞人，只係太愛學校唔想輸，為咗學校先去打人﹗網民狂插歪理：「編劇炒得﹗」、「佢唔講個原因仲好﹗」、「最正係呢單嘢就咁一筆勾銷，Miss翁唔報警，執咗錢嘅打人同學又肯算數，仲肯還番啲錢，膠中之膠﹗」。

I SWIM iswim 被追截到掘頭巷﹗ — 被追截到掘頭巷﹗（圖片來源：ViuTV《ISWIM》截圖）

I SWIM iswim 全靠袁澧林出手相救﹗ — 全靠袁澧林出手相救﹗（圖片來源：ViuTV《ISWIM》截圖）

I SWIM iswim 袁澧林解釋哥哥Locker因為愛校而打人﹗ — 袁澧林解釋哥哥Locker因為愛校而打人﹗（圖片來源：ViuTV《ISWIM》截圖）

I SWIM劇情bug位5. 李馬榮去Miss翁屋企包紮+食飯+分享情史

李馬榮單人送Miss翁返歸，臨走時被Miss翁發現手流血受傷，帶他上樓包紮。網民鬧爆：「硬加師生戀，睇到反白眼﹗」、「包紮完仲煮埋飯，天黑喇喎Miss﹗」、「Miss留學生食飯，仲同學生講自己感情事，有冇再奇啲﹗」

I SWIM iswim Edan全程護住吳海昕，捉住人隻手逃跑﹗ — Edan全程護住吳海昕，捉住人隻手逃跑﹗（圖片來源：ViuTV《ISWIM》截圖）

I SWIM iswim Miss翁幫李馬榮包紮傷口﹗ — Miss翁幫李馬榮包紮傷口﹗（圖片來源：ViuTV《ISWIM》截圖）

I SWIM iswim 仲煮埋飯同李馬榮撐枱腳，仲互講心事﹗ — 仲煮埋飯同李馬榮撐枱腳，仲互講心事﹗（圖片來源：ViuTV《ISWIM》截圖）

I SWIM劇情bug位6. C班人數由20人變30多人、A班學生年齡成疑

除了上述第7集的5大膠位外，亦有網民整合每集吐槽位，不同大小犯駁位都有。例如：第一集A班學生年齡問題，對白前言不對後語，難道A班集體留班一年？明明C班課室得大約20人，但去到賽場突然變成30多人，其他同學係咪走堂？ Edan深夜學校Gym房夜會Miss翁，點解學校會俾學生留到咁夜，而Gym又只得一組器材？

I SWIM ISWIM Edan深夜密會Miss翁一幕令網民質疑，為何學校讓學生逗留至深夜，而且gym只得一組器材？ — Edan深夜密會Miss翁一幕令網民質疑，為何學校讓學生逗留至深夜，而且gym只得一組器材？（圖片來源：IG@hkhehememes）

I SWIM劇情bug位7. 男校游泳比賽卻有女學生入場支持

除了數字上的出錯，網民更點出其他不合理地方，例如：明明泳池是觸池式計時，卻要安排工作人員拿秒錶計時，而且工作人員是站在泳手背後而非對岸計時。明明是男校游泳比賽，卻出一大批身穿便服的女學生入場支持，難道場地保安有問題？大秋（George＠P1X3L）竟然可以比賽途中站在池邊為隊友打氣，應該會被趕出場先係。