高Ling首遇Oppa緊張爆燈 手貼手整陶瓷勁浪漫
今集節目最大亮點，莫過於高海寧與這位五官標致、十足韓星味道的陶藝Oppa約會。高Ling坦言第一眼已被對方吸引：「好安靜斯文，同埋操到自己好大隻。」不過首次約會亦令她緊張萬分：「言語不通又唔認識，我係好慢熱嘅人，好難打開話題傾偈。」幸好Oppa安排了整陶瓷的環節，親手教高Ling製作花樽，二人不但手貼手，Oppa更不經意地展露結實的二頭肌，之後還送上插滿鮮花的陶瓷花樽，行為舉止十足偶像劇男主角。兩人之後更登船飲酒，欣賞韓國迷人夜景，大談感情問題，高Ling全程冧樣盡現，笑到見牙唔見眼，畫面浪漫到暈！
周嘉洛朱敏瀚跟蹤斷正 爆笑旁述：「摸手仔喎」
節目另一精彩之處，就是周嘉洛與朱敏瀚身穿韓服，鬼祟跟蹤高Ling與Oppa的約會。雖然兩人最終跟甩大隊，但仍然透過監控觀察著二人的一舉一動，更忍不住七嘴八舌地進行爆笑旁述。當看到Oppa的健碩身材時，他們驚呼：「有肌肉喎！」見到兩人親密互動時又忍不住吐槽：「摸手仔喎！」、「陶瓷係第一日可以摸手仔嘅活動！」周嘉洛更不時夾雜韓文附和，為這段浪漫約會增添不少趣味，非常爆趣。
網民睇到心心眼 大讚：畫面太有Feel！
節目播出後，高Ling與Oppa的浪漫互動引起網民熱烈討論，不少觀眾都表示被畫面甜到。網民紛紛留言：「高Ling個樣冧到呢，真係隔住個mon都feel到甜！」、「呢個Oppa好得喎！又大隻又溫柔，TVB可唔可以簽佢拍劇？」、「整陶瓷呢招太屈機，根本就係偶像劇標準情節！」、「周嘉洛同朱仔啲旁白先係精髓，笑死我！」、「好想知佢哋之後有冇下文，快啲播下一集啦！」
