黃婉恩溫泉暈倒後腦撞石
黃婉恩接受訪問時詳細講述意外經過，表示當時可能太心急起身，突然感到暈眩向後仆倒，後腦重重撞到溫泉池邊的石頭。她憶述：「可能太心急，起身太快就暈低咗，向後仆咗落去，後腦撞到塊石頭，流咗好多血，成個頭都濕晒。醒番嗰陣真係好驚，暈咗幾分鐘，完全唔知自己喺邊度，仲以為出咗咩大事。」幸好友人就在身邊及時扶她起身，但整個過程發生得太快，令在場人士都嚇了一跳。
血染紙巾畫面驚嚇網民
黃婉恩在社交平台上載了一疊染血紙巾的照片，鮮紅的血跡觸目驚心，配文寫道：「浸溫泉唔好起身太急！會暈㗎！暈咗幾分鐘，醒番完全唔知自己喺邊，真係好恐怖，頭撞石頭，幸好冇事啦！」這張血腥照片立即引起網民關注，不少人留言表示擔心，更有人分享類似經歷提醒大家注意安全。從照片可見，她的後腦位置有明顯傷口及紅腫，情況相當嚴重。
醫生指幸好沒撞到臉部
意外發生後，友人立即陪同黃婉恩到當地醫院求醫。醫生檢查後表示傷口不算太深，毋須縫針，但特別提醒幸好不是撞到臉部，否則隨時有毀容之險。除了後腦傷口外，她跌倒時背部近尾龍骨位置亦出現瘀青，但其餘沒有大礙，算是不幸中之大幸。黃婉恩透露這次意外令她學會教訓：「未試過會暈低㗎！呢次真係超罕有，嚇親自己，都嚇親個朋友，佢話成件事發生得太快。下次浸溫泉一定要慢慢起身，唔可以咁衝動喇！」
自嘲年頭見紅代表好運
面對這次驚險意外，黃婉恩展現樂觀態度，更開自己玩笑說：「正面啲睇，紅色係新年最吉利嘅顏色，代表好運同旺丁旺財，當係個好火紅嘅開年啦！哈哈！」她的幽默反應獲得不少網民讚賞，認為她面對逆境的正面態度值得學習。雖然意外令旅程蒙上陰霾，但她仍能繼續完成滑雪行程，展現堅強一面。
黃婉恩起底
黃婉恩（Yancy Wong）現年32歲，於1993年12月27日在英國出生並長大，畢業於英國雅息特大學。她原本計劃參加2019年度香港小姐競選，但因腳傷被迫退選，直至2020年重新參選並成功打入最後10強。落選後加入無綫電視成為藝員，曾擔任娛樂新聞台記者以及《港生活·港享受》主持。感情方面，她曾與何君堯的姪仔何俊彥交往，但於2024年分手。近年她積極參與不同電視劇演出，包括《愛·回家之開心速遞》、《雙生陌生人》等作品。
