昨晚劇情心寒 林溥來電車變態式緊貼李佳芯
在昨晚播出的劇情中，林溥來飾演的變態連環殺手楊堅正式登場，為溫情的劇情線增添一股詭異張力。其中一幕講述楊堅跟蹤李佳芯飾演的鐵姐上電車，他不但悄悄坐近，更將頭靠向Ali的秀髮，閉上眼深深吸了一口氣，臉上露出極度滿足又陰森的笑容，完美演繹出變態狂徒的特質，讓電視機前的觀眾看得不寒而慄。除了靜態的心理變態戲，Patrick Sir更首次挑戰動作場面，與黃庭鋒在後巷上演激烈追逐及打鬥戲。他笑言雖然拍攝時天氣炎熱，但過程非常過癮：「好彩我哋本身都係運動底，庭鋒踢波、我就打籃球，總括而言，今次係打得好爽、跑得好甘！」預告稍後更會與譚俊彥有連場激戰，絕對值得期待。
林溥來為角色搏盡 特登唔同人傾偈練眼神
向來做事認真的Patrick Sir，雖然已是監製「御用奸角」，但首次飾演變態殺人狂依然做足準備功夫。為了突出角色楊堅的偏執感，本身已屬瘦底的他，竟花了兩個月時間刻意激減15磅。他受訪時解釋：「我係特登令自己睇落偏瘦少少，希望望落去 Nerdy（書呆子）啲同偏執啲，個髮型同眼鏡都係想突出個木納同陰沉感。」由於角色挑戰性極高，Patrick Sir在片場亦刻意改變平時健談的習慣，全程自我隔離以投入角色。他透露：「今次我主要自己坐埋一邊、冇同人傾偈，靜靜地令自己進入個角色。望人都唔係正面望而係背後望，練習下啲眼神，呢樣嘢都幾幫到自己演繹。」
演譚俊彥後生版獲激讚 廖家爵爆喊感激前輩貼心陪伴
《麻雀樂團》除了有實力派演員的精彩演出，監製亦大膽起用不少新人，當中飾演譚俊彥（Shaun）年輕版的廖家爵（Kelvin）就成功彈出。不少網民大讚他的神態與動作都與譚俊彥本人十分相似，演出備受肯定。不過Kelvin受訪時坦言，當初曾因監製一句「你真人同角色有啲接近」而陷入樽頸，幸得何遠東點醒：「佢幫我諗到不如試吓當呢個係《扮嘢王》，我係模仿阿 Shaun 嘅，嗰吓我即刻叮一聲。」Kelvin更感性地表示，拍攝期間因家事影響心情，幸得譚俊彥一直貼心陪伴打氣：「佢真係幫咗我好多，主要係佢嘅陪伴。我記得拍最後一場戲時，佢廠景我外景，佢一完咗自己嘅拍攝，仲特登去我外景度陪我拍埋最後幾場戲，我真係好多謝佢。」
網民洗版熱議 溫情得嚟又有啲驚慄
《麻雀樂團》自播出後口碑不俗，網民普遍認為劇集在溫情主線外，加入驚慄懸疑元素，令追看性大增。對於林溥來的大膽演出，不少網民留言表示「睇到心寒」、「Patrick Sir奸到出汁」、「眼神真係好恐怖」。同時，劇中由廖家爵與莊易羚飾演的年輕版主角愛情線，亦感動不少觀眾，網民大讚兩人互動充滿火花：「神態同動作和本尊十分相似！」、「後生版呢條線好浪漫」。正如Patrick Sir身邊朋友所言，劇集成功做到：「好入屋、好豐富，溫情得嚟又有啲驚慄。」成功引起觀眾熱烈討論。
