演譚俊彥後生版獲激讚 廖家爵爆喊感激前輩貼心陪伴
不過Kelvin受訪時坦言，當初曾因監製一句「你真人同角色有啲接近」而陷入樽頸，幸得何遠東點醒：「佢幫我諗到不如試吓當呢個係《扮嘢王》，我係模仿阿 Shaun 嘅，嗰吓我即刻叮一聲。」Kelvin更感性地表示，拍攝期間因家事影響心情，幸得譚俊彥一直貼心陪伴打氣：「佢真係幫咗我好多，主要係佢嘅陪伴。我記得拍最後一場戲時，佢廠景我外景，佢一完咗自己嘅拍攝，仲特登去我外景度陪我拍埋最後幾場戲，我真係好多謝佢。」
廖家爵獲台慶「潛質男藝人」
去年，視帝譚俊言向廖家爵頒發「全台力撐潛男藝人」獎：「每次同你哋拍戲，我哋都睇到我哋嘅初心。我好緊張，頭先我喺後台我同振朗講，有個朋友仔，佢演我後生版，我同佢有個承諾，你拍戲時我陪住你，我拍戲時你陪住我。有日入到廠，佢要演醫院場景，佢要演爸爸就嚟唔得，佢嗰日演得好好，佢話佢爸爸真係病咗，佢真係就嚟唔得，但佢好敬業完成每個鏡頭，我想介紹佢，廖家爵，大個仔唔好喊。」
鏡頭一轉，廖家爵淚流滿面：「多謝，老豆你依家唔喺度，我知你會睇到，好多謝公司畀個獎我，我相信每個新人都想得到大家認同，我唔知講咩好。」他更哭得不能再說下去，全場大呼恭喜，譚俊言更送上緊緊的溫暖擁抱，場面感動。
