C組表現遭狠批 莊子璇被指拖垮氣氛
在今晚的「團隊考試」中，由喬美莎（Chelsea）、莊子璇（Hilary）、葉靖儀（Michelle）及陳熙蕊（Blossom）組成的C組，表演歌曲《最緊要快》。四人換上由時裝設計師Doris Kath Chan打造的「粗獷溫柔」風格造型，型格十足。然而，被視為熱門的莊子璇表現卻令人大跌眼鏡，韓國靚仔排舞老師Geon毫不留情地點名批評她拖垮全隊氣氛：「你一開始企喺 Centre 位，本身要表現出呢首歌要型格同性感，但你一出嚟歌嘅氛圍已經係 Down 咗落嚟。」評審陳奐仁（Hanjin）亦點名批評另一成員陳熙蕊（Blossom）：「音樂一起嘅時候，佢簡直係個腦空白咗咁。」更直指C組是三隊中表現最差。韓國偶像學院院長Yong Heo更質疑她們未盡全力：「你哋跳完之後、唞氣聲好快平伏番，其實啲 Idol 表演完，佢哋真係用盡全力跳舞嘅話，跳完之後真係會攰到連嘢都講唔到。」
平板支撐3分鐘 莊子璇嗌「就嚟往生」顯反差萌
雖然在舞台上表現失準，但節目曝光的訓練片段中，莊子璇卻展現出截然不同的一面。在跟隨編舞老師Natalie練習平板支撐時，Hilary可謂叫苦連天，場面十分爆趣。她受訪時坦言，平時自己做平板支撐只能維持20秒左右，因此訓練時被要求一次做足3分鐘，對她來說簡直是「度日如年」。她更搞笑地形容當時的痛苦感受：「最 Last4 秒，我以為係 4,000 秒」、「我真係就嚟往生，頭先好似一瞬間去咗天堂咁。」與台上的緊張嚴肅形成強烈對比，盡顯其反差萌的一面。
網民反應兩極 有人失望有人撐可愛
節目播出後，網民對莊子璇的表現反應兩極，討論區議論紛紛。有網民對她的失準感到失望：「港姐冠軍就係呢啲水平？有啲失望。」、「做Center壓力大都唔可以咁樣，真係拖累咗成隊。」、「睇得出佢好緊張，但偶像就係要克服呢啲嘢㗎啦。」不過，亦有大批網民認為她訓練時的反應非常真實可愛：「雖然跳得唔好，但平板支撐嗰度好可愛，好真實！」、「嗌『就嚟往生』笑死，呢啲先係真人騷嘛。」、「有反差萌，希望佢下次加油，唔好咁大壓力。」
