昨晚按摩被篤中死穴 丁子朗痛到五官扭曲
劇情講到，龔嘉欣與丁子朗到泰國按摩，當嘉欣被按到肝臟穴位時痛極大叫，按摩師直指她經常捱夜，小心「爆肝」。身旁的丁子朗還在搭訕附和：「係呀係呀，佢成日唔瞓覺……」話口未完，輪到他被按腳踭穴位時，瞬間痛到面容扭曲，戚眉、擘大眼兼O嘴，表情極度誇張！按摩師隨即拋下一句診斷：「腳踭對應生殖系統，呢個位痛呢，即係虧囉！」場面極之尷尬又搞笑。
為保面子死頂扮無事 丁子朗金句笑爆網民
雖然痛不欲生，但丁子朗為了在龔嘉欣面前逞強，竟死頂不肯大叫，更勉強擠出笑容說：「頂得順，大力啲添啦！」按摩師聞言即時「加鐘」再發力，丁子朗終於失守崩潰大叫。按摩師更指着他肯定地說：「肯定係虧啦！」痛到合埋眼的丁子朗仍不忘死要面，大聲反駁：「虧你個頭！萍姐，我冇嘢㗎，我好掂㗎！」連串爆趣反應與金句，完美展現其喜劇細胞，令短短分半鐘的戲份成為全晚亮點。
網民激讚喜劇細胞 丁子朗表情包有望瘋傳
此幕一出，隨即引起網民熱烈討論，大讚丁子朗的演出充滿喜感，有望成為新一代笑匠。不少網民留言指他的「忍痛表情包」絕對是潛力圖，紛紛表示：「睇到呢幕真係笑到噴飯！丁子朗啲表情太到位！」、「呢個『腎虧』樣，肯定會變做meme圖！」、「為咗喺嘉欣面前保住個樣，死頂爛頂真係好寫實又好笑。」、「丁子朗唔只靚仔，原來搞笑都有一手！」、「佢痛到面容扭曲但又要扮man，反差感太強烈，笑死！」
