佳麗換古裝吊威也 袁絲珩楊媛媛花式喊驚
在最後一集的考驗中，以「天女散花」環節最具挑戰性。由師姐陳懿德帶領的A組成員，包括1號袁絲珩、2號李澤欣、7號楊媛媛及12號湯家琳，齊齊換上仙氣十足的飄逸古裝。她們需要輪流被吊威也「飛」上半空，並擺出優美甫士完成「天女散花」動作。面對畏高挑戰，袁絲珩及楊媛媛上陣前都坦言非常害怕，袁絲珩更誇張表示擔心到「心跳300」，幾位佳麗出發前可謂「花式喊驚」，場面搞笑。
大熱李澤欣仙氣爆燈 導師激讚實至名歸
雖然挑戰前個個膽戰心驚，但四位佳麗最終都展現出極優美的表演。當中，被視為大熱門的2號李澤欣（Scarlett）表現最為出眾，她的古裝造型被大讚「靚爆鏡」，吊在半空中時舉手投足都仙氣十足，姿態相當優美。最終李澤欣被導師挑選勝出小組，絕對是實至名歸，並與另外三位勝出佳麗4號譚雅文、11號顏懿菲及10號陳梓穎，一同獲得寶貴的10秒拉票時間。
網民洗版大讚李澤欣：冠軍相出哂嚟
節目播出後，網民對「天女散花」環節反應熱烈，尤其對李澤欣的表現讚不絕口。不少留言都大讚她有冠軍相：「Scarlett個古裝look真係冇得頂，仙女下凡咁！」、「又靚又淡定，吊威也都唔驚，冠軍相出哂嚟！」亦有網民覺得佳麗的真實反應非常可愛：「袁絲珩話心跳300好好笑，好真實，但飛起上嚟都好靚女。」、「呢個環節好睇，睇到佢哋由驚到專業嘅一面。」、「李澤欣真係大熱門，舉手投足都有台型。」
