盤點5位亞視過檔TVB花旦！顏仟汶慘演苦情母只得1人成功上位

Q: 還有什麼演唱會消息？

無論是本地歌手還是外地歌手都即將在香港舉行演唱會，即睇： 演唱會時間表及購票資訊 ，包括 MIRROR演唱會門票兌換安排 、 容祖兒 、 鄭秀文 、 張學友 、 鄭中基 、 溫拿 、 羅志祥 等。

Q: 除了演唱會，還有什麼消閒娛樂活動？

喜愛宅在家的話，觀看 Netflix劇集 和 BL劇 最好不過。如果喜歡外出走走的你，也可到這些 室內好去處 室內遊樂場、溜冰場、自助烘焙店等盡玩室內活動。想要親親大自然，也可到離島走一走，即睇： 離島行程攻略 或是行山，這些 行山好去處 路線簡易，新手也適合。

TVB熱播劇《正義女神》掀起全城熱話，劇中除咗一班主角演技備受讚賞，唔少實力派配角嘅精湛演出同樣搶鏡！有眼利網民發現，劇中多位演員都係昔日亞視嘅當家花旦，包括顏仟汶、袁潔儀同黎燕珊。想當年佢哋都係亞視女神，但過檔TVB後發展卻大相徑庭，同人唔同命！當中只有陳煒成功坐穩一線，其餘幾位似乎星途略為坎坷，經常飾演悲情或小角色，令人不禁感嘆娛樂圈嘅現實。

55歲顏仟汶坎坷經歷曝光為養家拍三級片

喺《正義女神》飾演「病態控制狂」母親嘅顏仟汶，在最新一集將會被女兒雅文（陳若思飾）冷血弒母。顏仟汶現實經歷同樣坎坷。佢喺2019年以特約演員身份重返TVB，但原來佢早年曾被TVB同亞視先後拋棄。佢自爆當年喺TVB爆騷做到肝炎都唔獲續約，轉投亞視又因影性感相被炒。禍不單行，當時父親患癌，弟妹年幼，為咗養家糊口，佢豁出去拍三級片，更直言：「唔諗喇，我要錢！」近年回歸TVB演活唔少媽媽角色，總算獲得觀眾認同。

陳煒顏仟汶在亞視期間曾經同杜汶澤拍拖。（圖片來源：東方新地） — 在亞視期間曾經同杜汶澤拍拖。（圖片來源：東方新地）

61歲黎燕珊演活無賴阿媽現實曾失婚陷財困

首屆亞姐冠軍黎燕珊，2017年加盟無綫。佢喺《正義女神》飾演市井無賴嘅「碰瓷」阿媽，精湛演技睇到觀眾「扯火」，激讚佢演活角色。現實中嘅佢亦經歷過失婚，獨力撫養一對仔女，更曾陷入經濟困境，戶口只剩$3,000。或者正因為呢啲人生經歷，令佢演繹唔同嘅媽媽角色都特別有說服力，雖然多為配角，但每次出場都係演技保證。

59歲袁潔儀甘願做綠葉演盲眼宮女感動觀眾

「潔儀姐姐」袁潔儀喺2016年重返無綫，雖然大多演閒角，但佢從不介意，更表示「咩角色都唔緊要」。喺《正義女神》中，佢飾演爛賭媽媽，雖然戲份不多，但內心戲十足。最令人印象深刻嘅係佢喺《宮心計2深宮計》飾演受虐盲眼宮女，全程冇張開眼演戲，單靠聲線同肢體就演活角色，獲網民一致好評，證明好演員就算係綠葉都會發光發亮。

陳煒顏仟汶袁潔儀飾演「KK媽」，不斷鼓勵女兒去做舞小姐，惹起不少爭議。（圖片來源：TVB） — 袁潔儀飾演「KK媽」，不斷鼓勵女兒去做舞小姐，惹起不少爭議。（圖片來源：TVB）

陳煒顏仟汶呢句對白真係十分懷舊。（圖片來源：TVB） — 呢句對白真係十分懷舊。（圖片來源：TVB）

54歲張文慈亞姐女神變配角演技成熟形象入屋

1996年參選亞姐入行嘅張文慈，憑住《我和殭屍有個約會》系列成為經典女神。佢喺2016年簽約TVB，雖然未有機會擔正做女一，但喺多部劇集中都擔任重要配角。例如《跳躍生命線》嘅賢妻家姐、《宮心計2深宮計》嘅「四司」之一，角色鮮明，演技成熟，形象成功入屋，但同昔日亞視花旦地位相比，始終有啲距離。

陳煒顏仟汶憑住《我和殭屍有個約會》系列成為經典女神（圖片來源：東方新地） — 憑住《我和殭屍有個約會》系列成為經典女神（圖片來源：東方新地）

52歲陳煒過檔即受力捧憑太平公主奪獎穩坐一線

講到最成功嘅過檔例子，一定非陳煒莫屬。身為1996年亞姐冠軍，陳煒喺2012年加盟無綫後備受力捧，戲路廣泛。由《法網狙擊》嘅反派龐鐵心，到《梟雄》嘅黑幫大家姐，再到憑《宮心計2深宮計》「太平公主」一角勇奪「最受歡迎電視女角色」，演技備受肯定，近年更穩坐一線女主角寶座，絕對係亞視過檔花旦中最風光嘅一位。