二人爆喊講心底話
晚上關氏父女齊齊摸酒杯底盡訴心中情，傑哥問女兒：「你依家喺娛樂圈，你覺得關禮傑呢三個字，係咪一種負擔同壓力？」關楓馨回答時真情流露爆喊，回答：「可能當初參選嘅時候會有壓力，因為如果別人知道我是你女兒會有某一種期望，我亦都唔想我的壓力根本是來自於我唔想令你丟臉，我唔想做得不好或做錯了，因為別人就會覺得嗰個係關禮傑女兒。」
關禮傑則自揭當初不願讓女兒入行：「你問過我，可唔可以選港姐入呢行，當時我應承話係可以，但我內心係唔願意。」至於開綠燈原因，關禮傑透露：「願意是因為我疼你，就是怕你負擔很重，而現在我覺得你對做人、面對嘅嘢可以應付得來，依家都好開心你比以前剛強了。」
節目尾聲，兩父女坐在沙灘分享感受，傑哥坦言經過今次旅行，感覺關楓馨成長了，兩父女的默契亦增進不少，關禮傑更準備了親手製作的神秘驚喜送給女兒，令關楓馨感動得淚灑當場，最後兩父女相擁為這次旅行劃上圓滿句號，場面感人。
惠州食中式High Tea
第一集已經播出，關禮傑、關楓馨分別體驗了中式High Tea、海灘越野車、遊水東街夜市、浸住溫泉睇煙花以及出海玩帆船等。中式High Tea體驗非常特別，用炭爐煲茶之餘，更將英式下午茶常見的糕點轉為中式糕點和水果等，好吃又健康，兩父女吃得興起打卡留念，怎料關楓馨卻嫌棄爸爸擺甫老套兼拍照技術麻麻，她笑言：「啲角度完全係錯晒！」
關楓馨參選港姐躋身5強
關禮傑大女、現年27歲的關楓馨去年參選港姐，因「星二代」身份而成風頭躉。最後她成功躋身最後5強，雖然未能打入3甲，但決定留港展開演藝事業，簽約無綫後也機會不斷。
