「舞台王者」郭富城(Aaron)年底將舉行《AARON KWOK ICONIC MOMENT 啟德跨年演唱會26/27》,日前他登上TVB節目《J Music》宣傳時,獲一眾合作長達10至19年的御用舞者隔空真情告白,場面感人。片段播出後隨即在社交平台Threads引發熱烈迴響,一則感嘆城城與舞者之間「斬都斬唔斷嘅關係」的帖文迅速吸逾3,600個讚好,大批網民直言「睇到眼濕濕」,更紛紛在留言區「翻舊帳」,大爆城城私下尊重舞者的暖心往事!
Threads帖文吸逾3,600讚好 網民淚崩:完美演繹咩叫做情義
有網民在Threads分享《J Music》訪問截圖,感性寫道:「睇到呢段真係兩眼濕濕想喊添,咁多dancer都跟著Aaron好多年,仲有好多移民嘅dancer都返香港幫手今次啟德演唱會,今次唔單只係一個表演,仲係佢哋斬都斬唔斷嘅關係。」帖文一出即引來大批網民共鳴洗版,不少人表示看到合作19年的IVY、17年的YOPPY等「老臣子」即使已移民海外,仍二話不說飛返香港力撐城城,甚至直言「你除咗影響我之外,仲影響埋我個女」,畫面相當催淚。網民紛紛留言激讚:「睇到眼濕濕呀」、「成件事係一件好感動既事」、「佢哋完美演繹咩叫做情義」、「感恩香港有阿王呢個icon」、「呀王真係一個超級重情義嘅人!我冇愛錯你」。
網民翻舊帳揭「阿王」暖舉 激讚尊重舞者:抵佢紅咁耐!
雖然留言區中有個別網民提出現實考量,認為「主要都係因為舞者係香港搵唔到食」,但隨即被壓倒性的讚美聲浪淹沒。不少網民指出,舞者在訪問中提到城城「好尊重我哋啲dancer,好覺得我哋都係一個表演者」,正是他最難能可貴之處。更有網民在留言區「翻舊帳」,重提城城多年前的暖心舉動:「早幾年佢上TVB台慶做嘉賓,表演完之後都叫其他人鼓掌支持其他舞者」,大讚他無論台前幕後都「好真誠又貼地」。不少網民亦感嘆:「識得感恩嘅人,抵佢紅咁耐啦」、「佢好有義氣,如果我係班dancer都心甘命底跟佢一世,只要佢一個call一定隨傳隨到」。
掀啟德跨年騷撲飛熱潮 歌迷急問加賣門票
這波「洋蔥」攻勢不僅感動全網,更直接點燃樂迷對年底啟德跨年騷的期待。在該則Threads帖文下,已成功購票的粉絲興奮留言「買咗飛,期待12月31號倒數」,而尚未買到門票的網民則心急追問「知唔知邊度仲有飛賣」,帖主亦隨即熱心回覆提醒快達票(HK Ticketing)於17日早上10時加推門票,足見城城與團隊的深厚情誼已成功為演唱會掀起新一波撲飛熱潮。










